Mae ein hadroddiad effaith yn rhoi cipolwg i chi ar yr hyn rydym wedi'i gyflawni a'r gwahaniaeth rydym wedi'i wneud yn flynyddol. Mae'n dwyn ynghyd y cymunedau rydyn ni wedi'u hadeiladu, yr achosion rydyn ni wedi'u hyrwyddo, a'r gwaith rydyn ni wedi'i gyflawni. Mae'n fwy na ffeithiau a ffigurau yn unig; mae'n ymwneud â phobl, gyda myfyrwyr wrth galon yr hyn a wnawn.

Yn y flwyddyn academaidd 2025/26, parhaodd Undeb Myfyrwyr Prifysgol Cymru y Drindod Dewi Sant i gael effaith gadarnhaol ar brofiad y myfyrwyr, ac rydym wedi bod yn arwain y sector yn ein darpariaeth. Mae'r adroddiad hwn yn tynnu sylw at yr effeithiau a'r allbynnau rydym wedi'u cyflawni trwy ddarparu cyngor o ansawdd uchel, cynnal digwyddiadau, creu cymunedau, a chynrychioli buddiannau myfyrwyr i lywodraethau a'r Brifysgol.

Undeb Myfyrwyr Arobryn

Rydyn ni'n gwneud yr hyn rydyn ni'n ei wneud, nid er mwyn cael cydnabyddiaeth, ond oherwydd ein bod ni'n angerddol am fyfyrwyr ac am wneud y peth iawn. Wedi dweud hynny, mae'r flwyddyn hon wedi bod yn un fawr i ni. Isod mae'r gwobrau a'r gydnabyddiaeth a gawsom yn 2025/26.

1. Gwobrau Dewis WhatUni – daliwyd ymlaen i’n safle yn 3ydd yng Nghymru 
2. Arolwg Cenedlaethol o Fyfyrwyr – 1af yng Nghymru. Mae 84.2% yn cytuno bod Undeb y Myfyrwyr yn effeithiol wrth gynrychioli buddiannau academaidd 
3. Enillydd Gwobr Ymgyrch Ragorol UCM Cymru am Ymgyrch y Brecwast Mawr 
4. Sylw sawl gwaith yn Wonkhe am “yr hyn rydyn ni'n ei wylio” 
5. Cyflawni sgôr o 4.36 allan o 5 am foddhad cyffredinol ein myfyrwyr ag Undeb y Myfyrwyr yn sgil ymchwil gan y swyddogion sabothol 

Llais Myfyrwyr   

Mae ein tîm llais myfyrwyr yn grymuso ein haelodaeth trwy hwyluso democratiaeth a chynrychiolaeth myfyrwyr ar draws PCyDDS. Boed hynny’n gyd-greu mannau ar gyfer trafodaeth ar bolisi a mewnwelediad, casglu data ar brofiad myfyrwyr, neu hyfforddi cynrychiolwyr myfyrwyr i fod yn eiriolwyr pwerus dros eu profiad a phrofiad eu cyfoedion, mae'r tîm llais wedi cyflawni llwyddiannau sylweddol trwy gydol y flwyddyn.

---

Etholiadau’r Gwanwyn

Mae ein hetholiadau myfyrwyr yn un o'r ffyrdd craidd rydym yn hwyluso democratiaeth myfyrwyr yn y Drindod Dewi Sant, ac roedd ein Hetholiadau yng Ngwanwyn 2026 yn un o'n goreuon hyd yma. Gyda 112 o enwebiadau o bob un o'n campysau, 26 o ymgeiswyr yn symud ymlaen i'r balot, a chyfanswm o 1,045 o fyfyrwyr yn pleidleisio, oedd ymysg y nifer uchaf yn ein hanes.

• 122 o Enwebiadau
• 26 o Ymgeiswyr
• 1,045 o Bleidleiswyr

---

Recriwtio a Hyfforddi Cynrychiolwyr Cwrs

• 4.83 / 5 Sgôr Bodlonrwydd Cyffredinol 

Fe wnaethon ni recriwtio 332 o Gynrychiolwyr Cwrs o'n Hathrofeydd Dysgu Canol y Ddinas a'n Hathrofeydd yng Nghymru. Ar hyn o bryd mae 60% wedi cwblhau eu hyfforddiant yn ein Hathrofeydd Dysgu Canol y Ddinas, a 65% ar draws Athrofeydd Cymru, gyda nifer arbennig o dda, sef 76%, yn Athrofa Gwyddoniaeth a Chelf Cymru. 

Ar draws y tri fformat hyfforddiant, cyflawnodd hyfforddiant Cynrychiolwyr Cwrs (CC) a Chynrychiolwyr Llais Myfyrwyr (CLlM) sgôr boddhad cyfartalog o 4.83 allan o 5.

Hyfforddiant	Graddfeydd
Hyfforddiant CC Moodle	4.36 / 5
Hyfforddiant CC wyneb-yn-wyneb yng Nghymru	4.93 / 5
Hyfforddiant CC ar-lein yng Nghymru	4.86 / 5
Hyfforddiant CLlM	5 / 5
Hyfforddiant CC wyneb-yn-wyneb yn Llundain, Mehefin 2026	4.95 / 5
Hyfforddiant CC ar-lein yn Llundain, Mehefin 2026	4.91 / 5
Hyfforddiant CC wyneb-yn-wyneb yn Llundain, Ionawr 2026	4.76 / 5
Hyfforddiant CC ar-lein yn Llundain, Ionawr 2026 Brecwast	4.78 / 5
Hyfforddiant Cynrychiolwyr Cwrs ar-lein ar gyfer Athrofeydd Dysgu Canol y Ddinas	4.92 / 5

Trwy agweddau adeiladu cymunedol hyfforddiant tîm Llais y Myfyrwyr, rydym wedi grymuso Cynrychiolwyr Cwrs ac mae ganddyn nhw hyn i'w ddweud...

• "Rwy’n deall nad oes disgwyl i ni ddatrys pob problem, a bod pobl i'n helpu ni hefyd"
• "Braf gwybod mwy am faint o effaith mae ein barn ni'n ei chael ar ein hamser yn y brifysgol yn y dyfodol"
• "Roedd y senarios yn ddefnyddiol iawn oherwydd roedden nhw'n dangos sefyllfaoedd go iawn y gallai cynrychiolydd ddelio â nhw a sut i ymdrin â nhw'n iawn" 
• “Roedd yr hyfforddiant yn glir, yn ddiddorol, ac wedi’i gyflwyno’n dda. Fe wnes i fwynhau’n fawr ac roedd yn ddefnyddiol iawn.” 

---

Cynrychiolaeth Ôl-raddedig 

Eleni, fe wnaethon ni gydweithio â'r Coleg Doethurol i helpu â gwella cynrychiolaeth a gwelededd i ymchwilwyr ôl-raddedig. Â strwythurau newydd sbon ar waith i fyfyrwyr ymchwil ôl-raddedig gael eu llais wedi'i glywed ar draws y Brifysgol. 

Cyngor i Fyfyrwyr 

Mae ein tîm Cynghori yn gweithio ar achosion academaidd ac anacademaidd ac yn darparu arweiniad rhagorol i fyfyrwyr lywio polisïau a gweithdrefnau. Mae cefnogi myfyrwyr ar ddiwrnod rhyddhau eu canlyniadau, ynghyd â hyrwyddo hunan-eiriolaeth a datblygu adnoddau i fyfyrwyr, wedi golygu bod y tîm hwn wedi galluogi myfyrwyr i lwyddo yn ystod eu hamser yn y Brifysgol.

• 930 o Achosion ac Ymholiadau
• £67,171 Cymorth Ariannol o

Eleni, maen nhw wedi cynorthwyo â 930 o achosion ac ymholiadau, ac wedi helpu myfyrwyr i gael mynediad at £67,171 mewn cymorth ariannol. Mae'r cymorth ariannol a nifer yr achosion yn dangos pa mor wych yw ein gwasanaeth cynghori, o'u hallbynnau. Mae eu heffaith ar fywyd myfyrwyr i'w gweld yn y ffaith bod 94% o fyfyrwyr sydd wedi defnyddio'r gwasanaeth yn dweud ein bod wedi eu helpu i aros yn y Brifysgol oherwydd ein cefnogaeth.

Mis	Nifer yr Achosion ac Ymholiadau		Cymorth Ariannol
Medi	129	£6,950
Hydref	99	£4,800
Tachwedd	68	£3,324
Rhagfyr	23	£1,400
Ionawr	94	£4,400
Chwefror	116	£12,917
Mawrth	77	£15,662
Ebrill	36	£14,035
Mai	79	£1,350
Mehefin	117	£2,333
Gorffennaf	92	-
Gyfan	930	£67,171

• “Maen nhw’n wasanaeth cymorth gofalgar a chyfeillgar iawn.”
• “Hoffwn fynegi fy niolchgarwch diffuant i Sophie Kitsell - bu ei hanogaeth a’i chymorth ymarferol yn ystod cyfnod o anobaith dwys, ofn, a hunan-amheuaeth o gefnogaeth aruthrol i mi.”
• “Bu Alice McGovern yn ymwneud â fy achos i. Teimlais fy mod yn cael fy mharchu a'm cefnogi drwy gydol y broses hon, oedd yn peri cryn straen i mi. Fe anfonodd e-bost ataf â'r wybodaeth hanfodol y byddai angen i mi ei darparu, roedd hyn yn ddefnyddiol iawn gan fy mod i mewn trallod ar y pryd. O ran fy achos, cefais eglurder ynghylch sut i fwrw ymlaen. Ymgynghoriadau proffesiynol, amserol. Roedd y canlyniad yn gadarnhaol ac mae'r gwasanaeth hwn yn hanfodol; fel myfyriwr doeddwn i ddim yn ymwybodol o rai o brosesau'r brifysgol. Rwy'n ddiolchgar iawn.”

Cyfleoedd Myfyrwyr

Mae ein tîm Cyfleoedd Myfyrwyr yn helpu i greu cymuned wrth helpu myfyrwyr i ddatblygu eu sgiliau. Boed yn cefnogi ein tîm chwaraeon i ennill haenau cyfan yn BUCS, cynnal digwyddiadau cost-isel ag iddynt lefel isel o ymrwymiad i fyfyrwyr roi cynnig ar bethau newydd, neu gynnal sesiynau i wella eu sgiliau, mae'r tîm cyfleoedd yn gwneud amser yn y Brifysgol yn gofiadwy. 

Cyflogadwyedd a Sgiliau 

• 61 o Sesiynau
• 644 o Fynychwyr

Wythnos Sgiliau yw ein rhaglen uwchsgilio flaenllaw sy'n anelu at helpu myfyrwyr i baratoi ar gyfer gyrfa trwy sesiynau pwrpasol (megis datblygu CV, LinkedIn, rhwydweithio, siarad yn gyhoeddus a sgiliau proffesiynol).

Yn 2025/26, roedd Wythnos Sgiliau Caerdydd yn llwyddiant ysgubol i ni, gan i ni gyflwyno 21 sesiwn i 451 o fyfyrwyr - cynnydd o 2,227% o un flwyddyn i’r nesaf. Gwelsom hefyd gynnydd mewn cyfranogiad yn yr Wythnos Sgiliau yn Llundain a Birmingham o flwyddyn i flwyddyn.

Yr hyn sy’n allweddol i'n llwyddiant eleni oedd gweithio gyda staff academaidd y brifysgol i ymgorffori ein sesiynau ag astudiaethau myfyrwyr. Datblygwyd sesiynau o ddealltwriaeth o'r cwricwlwm presennol ac academyddion yn rhannu lle’r oeddent yn credu y gellid gwella'r profiad academaidd.  

Wythnos Sgiliau	Sesiynau	Cyfranogwyr
Caerdydd	21	451
Birmingham	23	74
Llundain	17	119

• "Diolch am wybodaeth ddefnyddiol. Rwy'n bwriadu trefnu apwyntiad â’r gwasanaethau gyrfaoedd yn fuan."

---

BUCS

UppaSaints yw cartref chwaraeon cystadleuol yn PCyDDS, gyda'n timau'n cystadlu'n genedlaethol yn erbyn prifysgolion a cholegau eraill yng nghynghreiriau swyddogol BUCS (Chwaraeon Prifysgolion a Cholegau Prydain). Mae'r flwyddyn 2025/26 wedi bod yn un o'n goreuon erioed!

• Rygbi’r Dynion: Enillwyr Rygbi’r Dynion Haen 3B Gorllewin (a gobeithio cael eu dyrchafu i Haen 2) 
• Pêl-droed y Dynion: Enillwyr Pencampwriaeth Pêl-droed y Dynion Haen 5B Gorllewin (a gobeithio cael eu dyrchafu i Haen 4) 
• Pêl-droed y Dynion: Enillwyr Tlws Cynhadledd Gorllewin Pêl-droed y Dynion am yr ail flwyddyn yn olynol!  

---

Digwyddiadau

• 4.82 / 5

Bywyd y tu allan i ddarlithoedd Mae bywyd myfyriwr yn ymwneud â mwy na dim ond yr hyn sy'n digwydd yn yr ystafell ddosbarth. Rydym eisiau i fyfyrwyr fwynhau agweddau hwyliog a chymdeithasol bywyd prifysgol, gwneud cysylltiadau newydd a chreu atgofion gwych gyda chyd-fyfyrwyr yn ein digwyddiadau.

Mae uchafbwyntiau allweddol eleni yn cynnwys:

• Derbyn sgôr o 4.82 / 5 am ein digwyddiadau Rhoi Cynnig Arni yn Nhymor 2.
• Dywedodd 100% o fyfyrwyr a fynychodd ddigwyddiad a gynhaliwyd gan y Tîm Cyfleoedd y byddent yn mynychu un arall.
• Gwerthwyd pob tocyn ar gyfer Dawns Haf Caerfyrddin, gyda thros 130 o fyfyrwyr yn bresennol.

---

Grwpiau Myfyrwyr

Mae ein holl grwpiau dan arweiniad myfyrwyr, ac yn ystod y flwyddyn academaidd hon mae 24 o grwpiau myfyrwyr gweithredol wedi bod wrthi, gyda thros 260 o fyfyrwyr yn aelodau ac 80 o aelodau pwyllgor myfyrwyr.

• 24 o Grwpiau Myfyrwyr
• 80 o Aelodau Pwyllgor
• 260 o Fyfyrwyr sy’n Aelodau

• "Roedd hi'n braf gwneud rhywbeth gwahanol yn y brifysgol; dydw i byth yn mynychu'r digwyddiadau am ddim, ond roedd yn braf, ac roeddwn i wrth fy modd â'r canlyniad terfynol" 
• "Roedd y sioe yn rhagorol. Cawson ni seddi gwych ac roedd y pris yn anhygoel, yn enwedig o ystyried ble roedden ni'n eistedd." 
• "Roeddwn i wrth fy modd yn mynd i weld y sioe gerdd gan ei bod hi nid yn unig yn hwyl i'w gwylio, roedd hi hefyd yn addysgiadol ar gyfer fy nghwrs" 

Dylunio a Chyfathrebu 

Adrodd straeon yn hytrach na gwerthu yw mantra ein tîm Dylunio a Chyfathrebu. Gan fynd â'n myfyrwyr ar daith sy’n dechrau cyn eu diwrnod cyntaf yn y Brifysgol i wneud ffrindiau, dysgu am yr hyn sydd gan Undeb Myfyrwyr i'w gynnig i gefnogi eu hastudiaethau, ac yn y pen draw i raddio. Mae'r tîm hwn yn helpu myfyrwyr i ddathlu eu hamser yn y Drindod Dewi Sant a dysgu am yr hyn sy'n digwydd ar eu campws tra byddant yma.

Adrodd straeon, nid gwerthu

Mae ein strategaeth gyfathrebu trwy Instagram wedi canolbwyntio ar gynnwys sy'n seiliedig ar adrodd straeon yn hytrach na negeseuon hyrwyddo. Gan gymharu Tymor 2 2025/26 â Thymor 2 2024/25, rydym wedi cyflawni:

• +140% o Argraffiadau (121K → 292K)
• +69% Cyrhaeddiad (39K → 66K)

---

Tyfu ar LinkedIn

Ar ddechrau'r tymor, fe lansiwyd ymgyrch a gynhyrchwyd gan weithwyr ar LinkedIn, gan arddangos y bobl a'r gwaith y tu ôl i Undeb y Myfyrwyr. Gyda'n Hargraffiadau LinkedIn yn cynyddu +1,202% (o gymharu Tymor 2 2025/26 â Thymor 2 2024/25).

---

Pedair blynedd o dwf

Yn ôl yn Haf 2022, dechreuodd tîm cyfathrebu newydd sbon yn yr UM. Ers hynny, rydyn ni wedi cyflawni twf cynaliadwy dros gyfnod o bedair blynedd.

• +295% o Ddilynwyr (+1.9K)
• +3,808% o Argraffiadau: (Cyfanswm o 1.58M)
• +1,678% Cyrhaeddiad (cyfanswm o 358K)