Rydym yn gysylltiedig â sefydliadau eraill, sy'n golygu ein bod yn gweithio gyda'n gilydd mewn partneriaethau swyddogol er budd ein haelodau. Caiff ein cysylltiadau eu hadolygu'n flynyddol gan fyfyrwyr yn ein Cyfarfod Cyffredinol Blynyddol. Isod mae'r sefydliadau rydym yn gysylltiedig â nhw.

Undeb Cenedlaethol y Myfyrwyr (UCM)

Mae undeb y myfyrwyr yn perthyn i UCM y DU ac Elusen UCM. UCM y DU yw'r corff cydnabyddedig ar gyfer myfyrwyr ledled y DU; mae'n fudiad ymgyrchu sydd â’r amcan o geisio amddiffyn ac ymestyn hawliau myfyrwyr. Mae Elusen UCM yn elusen sy'n rhoi cymorth yn uniongyrchol i undebau myfyrwyr. Mae aelodaeth o Wasanaethau UCM Cyf. hefyd yn rhan o'n perthynas ag UCM y DU, sy'n golygu y gallwn brynu nwyddau’n foesegol ac fel rhan o gonsortiwm undebau myfyrwyr (a mudiadau eraill sy'n ymuno â'r consortiwm).

Chwaraeon Prifysgolion a Cholegau Prydain (BUCS)

Rydym yn aelodau o BUCS, sy'n golygu bod ein myfyrwyr yn cael cyfle i chwarae yn erbyn prifysgolion eraill. Mae'n un o'r cyrff cenedlaethol sy'n ymwneud â chymorth i fyfyrwyr.

AdviceUK

Mae undeb y myfyrwyr hefyd yn aelod o AdviceUK. Mae AdviceUK yn darparu system gyfrinachol ar gyfer rheoli achosion cynghori undeb y myfyrwyr, Yswiriant Indemniad Proffesiynol, a mynediad at rwydwaith o gefnogaeth i'n cynghorwyr.