Mae gweithio mewn Undeb Myfyrwyr yn swydd anhygoel i'w chael, ac mae cael effaith gadarnhaol enfawr ar fyfyrwyr yn rhoi boddhad mawr. Mae Undeb Myfyrwyr PCyDDS yn cynnwys tîm anhygoel sy’n gweithio gyda’i gilydd i fod yn arloesol er budd profiad myfyrwyr. 

Roedd pawb yn groesawgar iawn pan ymunais yn 2020, ac wrth i mi ddod i adnabod pawb daeth y teimlad yn well. Mae’r staff yma wir yn malio am eu gwaith ac yn rhoi 100% i bopeth a wnânt, tra hefyd yn cefnogi ei gilydd i gyrraedd pa bynnag nod sydd gennym. 

Mae cymaint o gyfleoedd datblygu, o sgiliau rheolwr-llinell, i arweinyddiaeth i gymwysterau priodol. Rwyf wedi cwblhau fy ILM Lefel 3 a bron wedi cwblhau fy ILM Lefel 4 gyda chefnogaeth fy rheolwr. 

Mae'n swydd sy'n symud yn gyflym, ond nid wyf wedi dod ar draws sefydliad sydd mor gefnogol o'u tîm â hwn gyda sesiynau 1-2-1 wythnosol gyda rheolwyr llinell, cynllun cymorth gweithwyr, diwrnodau datblygu staff a mwy. Byddwch chi wir yn teimlo'n gartrefol yma, ym mha bynnag gampws rydych chi wedi'ch lleoli.
 

Taz Jones

Mae Undeb Myfyrwyr yn lle gwych i weithio ynddo. Mae cymaint o amrywiaeth i’n gwaith, ac rydym bob amser yn rhoi cynnig ar rywbeth newydd. Rwy'n meddwl mai dyna fy hoff beth am weithio i UM; mae'r amrywiaeth yn rhywbeth na fyddwch chi'n cael cyfle i’w wneud i'r un raddfa mewn swyddi eraill. Mae UM PCyDDS yn lle arbennig o ddiddorol i weithio ynddo oherwydd cyd-destun unigryw’r Brifysgol. Mae'n lle gwych i herio'ch hun mewn amgylchedd newydd os oes gennych chi ddiddordeb mewn UMau neu Addysg Uwch.

Euan Morrison

Rwy'n cynnig cefnogaeth i fyfyrwyr a allai fod yn mynd trwy gyfnod anodd ac yn eu helpu i ddod o hyd i ddatrysiadau i'r heriau y maent yn eu hwynebu, sy'n rhoi boddhad mawr i mi - rwy'n gorffen bron bob diwrnod gwaith gydag ymdeimlad gwirioneddol o gyflawniad. Rwyf wedi cael cyfleoedd i ennill cymwysterau mewn iechyd meddwl a gwaith cynghori, ac i ddatblygu fy sgiliau Cymraeg. Gan weithio gartref ac ar draws y gwahanol gampysau, mae cymaint o amrywiaeth yn perthyn i’r rôl, ac mae holl dîm yr UM yn grŵp o bobl mor gefnogol, calonogol ac (yn anad dim) yn hwyl i weithio gyda nhw. 

Richard Buckley