Dydd Iau 23-04-2026 - 11:44

Mae hi'n adeg honno o'r flwyddyn eto pan fydd y siopau'n rhedeg allan o nodiadau gludiog ac mae Moodle yn dechrau sleifio i mewn i'ch breuddwydion.... cyfnod asesu.

Mae gennym gynghorydd ar ein campws IQ a Dinefwr ddydd Mercher 6ed Mai 2026 i fyfyrwyr alw heibio i gael atebion i rai o’u hymholiadau asesu. 

ddydd Mercher 6 Mai:

• Dinefwr 10:00 - 12:00
• IQ 13:30 - 14:30

Os nad oes angen unrhyw gyngor arnoch chi, gallwch chi alw heibio beth bynnag i gael 'bag anrhegion' gyda sticeri i godi calon, melysion, te perlysiog a theganau i leddfu straen!

Er mwyn eich helpu i lywio’r don o asesiadau, rydym wedi rhestru rhai o’r Cwestiynau Cyffredin isod.

Rydw i'n sâl neu rydw i newydd dderbyn newyddion drwg a dydw i ddim yn meddwl y gallaf gael fy asesiad wedi'i gwblhau mewn pryd. Beth ddylwn i ei wneud?

Os byddwch chi'n profi amgylchiadau y tu hwnt i'ch rheolaeth, fel afiechyd neu brofedigaeth deuluol, yn ystod cyfnod eich asesiad, gallwch wneud cais am amgylchiadau esgusodol.

Amgylchiadau Esgusodol @ Undeb Myfyrwyr PCyDDS

A allaf gyflwyno fy asesiad cyn y dyddiad cau?

Cewch, gallwch gyflwyno cyn y dyddiad cau swyddogol. Mewn gwirionedd, mae hyn yn aml yn cael ei argymell gan, os oes yna unrhyw broblemau technegol, fod hyn yn rhoi amser i chi gysylltu â rhywun i ddatrys y problemau hynny! Cofiwch wneud yn siŵr eich bod wedi cwblhau'r holl ddosbarthiadau ar gyfer y modiwl hwnnw, fel nad ydych chi'n colli unrhyw wybodaeth hanfodol!

Ble byddaf yn gallu dod o hyd i fy nghanlyniadau?

Unwaith y bydd eich canlyniadau wedi'u rhyddhau, byddwch yn gallu eu gweld nhw ar eich MyTSD. Cofiwch, dim ond marciau dros-dro yw'r canlyniadau a gyhoeddir ar Moodle, a gallant newid yn dilyn penderfyniadau'r bwrdd arholi. Chwiliwch am e-byst gan HWB Myfyrwyr neu Dîm Asesu eich campws i ddarganfod pryd y gallwch ddisgwyl eich canlyniadau swyddogol.

Dydw i ddim yn hapus â'r canlyniad a gefais, dw i'n meddwl y gallwn i wneud yn well. A allaf ofyn am ailsefyll?

Yn anffodus, na allwch. Bydd apêl gan fyfyriwr sy'n cyflwyno apêl academaidd dim ond oherwydd ei fod yn teimlo y dylai fod wedi cael marc gwahanol yn cael ei gwrthod yn awtomatig. Gwyliwch allan am ragor o wybodaeth gan y tîm cynghori am apeliadau a dyfarniadau academaidd yn yr wythnosau nesaf!

Rwy'n cael anawsterau o ran fy llesiant a'm hiechyd meddwl. Pwy all helpu?

Mae gan y brifysgol lawer o adnoddau iechyd meddwl ar gael i fyfyrwyr. Mae gan y brifysgol adran llesiant sydd â’r nod o gynnig cefnogaeth i fyfyrwyr yn ystod eu taith academaidd

Y ffordd orau o gysylltu â'r adran llesiant yw trwy lenwi ffurflen gais am gymorth

https://live.uniticms.com/uwtsd/register/
Cymorth Llesiant | Prifysgol Cymru y Drindod Dewi Sant

Mae'r Rhaglen Cymorth i Fyfyrwyr hefyd ar gael i fyfyrwyr ac mae'n cynnig llinell gymorth 24/7, 365 diwrnod y flwyddyn ar 0800 028 3766.

Mae cyfeirnodi’n peri cryn straen i mi, pwy all fy helpu?

Yn dibynnu ar ba gwrs rydych chi'n ei astudio, bydd disgwyl i chi ddefnyddio gwahanol fathau o gyfeirnodi. 
Gallwch adolygu pob un o'r pedwar arddull cyfeirnodi a ddefnyddir mewn cyrsiau yn y brifysgol yma:  Llawlyfrau Cyfeirnodi| Gwasanaethau Digidol | Prifysgol Cymru y Drindod Dewi Sant

Os ydych chi'n dal yn ansicr, gallwch chi archebu apwyntiad gyda llyfrgellydd a all eich helpu gyda phopeth yn ymwneud â chyfeirnodi, sut i osgoi llên-ladrad, sgiliau meddwl yn feirniadol a defnyddio adnoddau’r llyfrgell.  Archebu Apwyntiad | Gwasanaethau Digidol | Prifysgol Cymru y Drindod Dewi Sant

Mae gen i anabledd sy'n effeithio ar fy ngwaith, pa gefnogaeth sydd ar gael gan y brifysgol?

Yn bendant! Mae Undeb y Myfyrwyr a'r brifysgol yn cydnabod y gall hyd yn oed yr un anabledd olygu heriau unigryw i ddau berson gwahanol sy'n ei brofi. P'un a ydych chi wedi cael diagnosis yn ddiweddar, heb gael diagnosis eto neu wedi bod yn ymdopi â'ch anabledd ers plentyndod, mae cymorth ar gael.

Ffurflen Ymholiad Anghenion Cymorth y brifysgol yw'r ffordd fwyaf cynhwysfawr o ofyn am gymorth ar gyfer anabledd gan y brifysgol. 

Os byddai'n well gennych chi anfon e-bost at y tîm anabledd, gallwch gysylltu â nhw yn disability@uwtsd.ac.uk