https://www.uwtsdunion.co.uk/articles/carmarthen-are-you-ready-for-wha
Fyddwch chi ddim yn credu bod yna ar gyfartaledd 140 o ymgeiswyr ar gyfer pob swydd i raddedigion yn 2024 - dyna’r ffigurau gan y Sefydliad Cyflogwyr Myfyrwyr.
Mae’r Wythnos Sgiliau yn dod i Gaerfyrddin ym mis Mawrth i'ch helpu chi ddod yn un sy'n cael y swydd honno. Rydym yn cynnig hyfforddiant a gweithdai am ddim - mae'r sesiynau unigryw hyn wedi'u cynllunio i'ch helpu i baratoi ar gyfer gyrfa a threchu'r gystadleuaeth.
Mae'r dyddiau pan allai gradd yn unig sicrhau gyrfa i chi wedi mynd. Dyna pam y gwnaethon ni lansio’r Wythnos Sgiliau yn ôl yn 2022. Fe ddechreuon ni helpu myfyrwyr yn Llundain i gael hyfforddiant a pharatoi ar gyfer gyrfa. Ers hynny, rydym wedi ehangu'r rhaglen i Birmingham a Chaerdydd, gan hyfforddi cannoedd yn rhagor o fyfyrwyr. Ac yn awr rydyn ni’n dod â’r Wythnos Sgiliau i Gaerfyrddin.
Fyfyrwyr Caerfyrddin, nawr yw'r amser i fuddsoddi ynoch chi'ch hunain. Does dim ots pa flwyddyn rydych chi ynddi na'r cwrs rydych chi'n ei astudio - mae pob sesiwn Wythnos Sgiliau am ddim ac yn arbennig gyfer myfyrwyr PCyDDS. Byddwn yn eich helpu i feistroli'r pethau sylfaenol a mynd â'ch sgiliau i'r lefel nesaf - byddwch chi ben ac ysgwyddau uwchlaw’r gystadleuaeth mewn dim o dro.
Ymunwch â’n gweithdai am ddim. Bydd yna weithdai ar gyfer siarad cyhoeddus, arweinyddiaeth, cael eich proffil LinkedIn i weithio i chi a rheoli amser, yn ogystal â sesiynau tynnu lluniau am ddim, a mwy. Edrychwch ar y rhestr, archebwch eich lle - byddwch yn ddiolchgar i chi’ch hun am y cyfle hwn yn y dyfodol.
Ymunwch â Sesiynau Wythnos Sgiliau
Dydd Gwener 6 Mawrth @ 14:00
Siarad Cyhoeddus: Datgloi Hyder
Dydd Mercher 11 Mawrth @ 14:00Pwysigrwydd Rhwydweithio
Dydd Mercher 11 Mawrth @ 15:00Rheoli Amser a Chynhyrchiant
Dydd Llun 16 Mawrth @ 14:00Arweinyddiaeth a Gwaith Tîm
Dydd Mercher 18 Mawrth @ 14:00Adeiladu eich Proffil LinkedIn
Dydd Mercher 18 Mawrth @ 15:00Cynllunio Gyrfa
Dydd Iau 19 Mawrth @ 14:00Ymarfer Hunanofal
Dydd Gwener 20 Mawrth @ 10:00Gweithdy Ymddygiad Proffesiynol
Dydd Llun 23 Mawrth @ 13:00Penluniau Proffesiynol Am Ddim
Anfonwch e-bost atom yn su.opps@uwtsd.ac.uk os oes gennych chi unrhyw gwestiynau, a bydd aelod o'r tîm yn cysylltu â chi cyn gynted â phosibl.
Rhagor o erthyglau...
Undeb Myfyrwyr PCyDDS yw’r elusen sydd yma i helpu myfyrwyr PCyDDS i wneud y gorau o’u hamser yn y brifysgol drwy, gynnig cyngor, cynrychiolaeth, cyfleoedd a digwyddiadau.
Ein Swyddfeydd
Gwybodaeth Ddefnyddiol
Mae Undeb Myfyrwyr PCyDDS yn enw brand sy’n perthyn i Undeb Myfyrwyr y Drindod Dewi Sant • © Undeb Myfyrwyr Drindod Dewi Sant, Cedwir Pob Hawl. Rhif Elusen Gofrestredig yng Nghymru a Lloegr: 1157951. Cwmni Cyfyngedig dan warant: 09103924
Mae Undeb Myfyrwyr PCyDDS yn aelod o Undeb Cenedlaethol y Myfyrwyr (UCM), Elusen UCM a Chymdeithas Chwaraeon Prifysgolion a Cholegau Prydain (BUCS). Dysgwch fwy ar ein tudalen we ymaelodaethau.
