Dydd Mawrth 03-12-2024 - 16:15

Yr hyn a wyddom

1. Mae'r Brifysgol yn ystyried bod angen 1,250 o fyfyrwyr ar y campws i fod yn hyfyw; mae gan Lambed 92 o fyfyrwyr y dyniaethau ar y campws.
2. Cafwyd eglurder ynghylch niferoedd y myfyrwyr ar y safle ym mis Hydref, yn dilyn y broses Glirio. Aeth y Brifysgol ati i greu cynllun gweithredu ar gyfer y cynnig ar y sail honno. Nid oedd y Brifysgol wedi bod yn cynllunio hyn ers amser maith, yn hytrach, mae'n ymateb i'r wybodaeth sydd ar gael iddi erbyn hyn.
3. Bydd Llywydd Campws Llambed yn cyfarfod yn wythnosol â’r tîm sy’n arwain y cynnig.
4. Yn ystod y pythefnos nesaf, bydd y Brifysgol yn dechrau trefnu ar gyfer rhoi cyfle i fyfyrwyr fynd o amgylch campws Caerfyrddin; bwriedir cynnal hyn ddydd Mercher 18fed Rhagfyr. Rydym yn annog unrhyw un sy’n gallu mynd ar y daith hon i wneud hynny er mwyn profi campws Caerfyrddin drostynt eu hunain.
5. Nid yw’n bosib i fyfyrwyr gwblhau eu graddau ar safle Llambed oherwydd; iechyd a diogelwch, profiad dysgu’r myfyrwyr, ac ansawdd academaidd y rhaglenni.
6. Mae asesiad effaith llawn ar y gweill i sicrhau bod holl effeithiau’r symudiad arfaethedig yn cael eu deall (h.y. asesiad effaith cydraddoldeb, yn ogystal ag effeithiau ar y Gymraeg a llawer mwy)
7. A full impact assessment is underway to ensure all impacts are understood with the proposed move (i.e. equality impact assessment as well as impacts upon Welsh Language and much more)
8. Os yw'r symudiad yn mynd i ddigwydd, yna bydd Gwasanaethau Myfyrwyr yn gweithio i gynorthwyo cyflogadwyedd myfyrwyr trwy greu ffeiriau swyddi. Nododd y Brifysgol hefyd fod cyfleoedd i fyfyrwyr weithio ar y campws i'r Brifysgol a bod y fframwaith bwrsariaethau ar gael i fyfyrwyr. (www.uwtsd.ac.uk/applying-finance/fees-finance/undergraduate-funding-support)
9. O ran llety: gall y Brifysgol sicrhau ystafelloedd ar gyfer yr holl fyfyrwyr a fyddai'n symud. O ystyried niferoedd presennol y myfyrwyr, nid oes unrhyw bryderon nad oes yna ddigon o ystafelloedd i bawb.
10. Lle mae myfyrwyr wedi dweud na allant deithio neu symud i Gaerfyrddin, mae'r Brifysgol wedi ymrwymo i ganfod datrysiad sydd wedi'i deilwra ar gyfer y myfyrwyr hyn. 
11. Mae grŵp ar wahân sy’n cynnwys Quentin Drew, Rod Bale, Martin Bates, Thomas Jansen a Jeremy Smith wedi'i greu i adolygu gofynion unrhyw symudiad o ran darpariaeth y Labordai Archeoleg. Mae'r grŵp hwn yn cydlynu'n agos â'r tîm Ystadau a Chyfleusterau.
12. Yn ystod y pythefnos nesaf bydd y Brifysgol yn cyfathrebu â myfyrwyr ynghylch pryd y bydd Uwch Dîm Arweinyddiaeth y Brifysgol yn cyfarfod i drafod y cynnig. Bydd Llywydd Campws Llambed yn mynychu'r cyfarfod hwn.
13. Mae cyfarfod arall ar gyfer myfyrwyr i’w gynnal ddydd Mercher 4ydd Rhagfyr yn yr Hen Neuadd o 2:30pm tan 3:30pm (Dyma ailadrodd y sesiwn a gynhaliwyd ddydd Gwener 29ain Tachwedd, gan nad oedd pawb yn gallu bod yn bresennol)
     

Pryd, Ble, Sut...

Fel rhan o’r sgwrs barhaus yn ymwneud â phryd, ble, a sut

Mae’r Brifysgol wedi rhannu rhai o’r camau rhagweithiol y maent wedi’u cymryd dros y blynyddoedd diwethaf i helpu â chynyddu nifer yr ymgeiswyr i Lambed.

1. Newidiadau cwricwlaidd i fod yn ddeinamig (gan ystyried y sector Addysg Uwch yn ei gyfanrwydd, y sgiliau sydd eu hangen ar raddedigion, a datblygiad y ddisgyblaeth academaidd).
2. Prif Gyrsiau / Cyrsiau Ategol (fel Prifysgolion America) gyda rhaglenni fel Dyniaethau Digidol, Astudiaethau Treftadaeth, Astudiaethau Addysg, sy’n cynnig pwynt gwerthu unigryw.
3. Cyflwyno system addysgu fesul bloc; PCyDDS oedd un o’r Prifysgolion cyntaf yn y DU i gyflwyno addysgu fesul bloc.
4. Mae rhaglenni Sinoleg yn rhan o gymuned Llambed.

Mae'r Brifysgol wedi ateb ein cwestiynau, gallwch ddod o hyd i'w hatebion yma (www.uwtsdunion.co.uk/articles/university-answers-our-questions). Diolch i’r Brifysgol am gymryd yr amser i ddarparu atebion ystyriol.

Rydym yn sylweddoli bod angen i'r Brifysgol wneud penderfyniad ar sail y wybodaeth sydd o'u blaenau. Rydym yn sylweddoli bod gan fyfyrwyr ddiddordeb mewn deall pwy yw Uwch Dîm Arweinyddiaeth y Brifysgol; rydym wedi gofyn i'r Brifysgol gyhoeddi enwau ei UDA. Fel y nodwyd uchod, bydd Rhobyn, Llywydd Campws Llambed, yn mynychu'r cyfarfod ym mis Ionawr.