Dydd Mercher 22-04-2026 - 09:34

Mae diwedd y flwyddyn academaidd yn agosáu'n gyflym, sy'n golygu ei bod hi'n amser ar gyfer ein rownd olaf o Gynghorau Campws ar gyfer y flwyddyn hon! 

Mae Cynghorau Campws yn gyfle gwych i ddarganfod mwy am yr hyn y mae eich llywyddion wedi'i gyflawni, a'r hyn maen nhw wedi bod yn ei wneud o amgylch y campws. Byddwn yn trafod beth mae eich Swyddogion Rhan-amser wedi bod yn ei wneud ar draws eich campws, gan roi cyfle i chi ddysgu mwy am gymuned eich campws. Mae Cynghorau Campws hefyd yn gyfle gwych i chi ddod ag unrhyw gwestiynau, pryderon neu geisiadau i sylw Undeb y Myfyrwyr. Os ydych chi eisiau codi unrhyw beth neu ofyn cwestiynau i'ch llywydd am eu hymgyrchoedd, galwch heibio i sgwrsio â ni yn ystod y sesiwn Holi ac Ateb ar y diwedd.

Pam ydyn ni'n eu cynnal nhw?

Mae Cynghorau Campws yn gam pwysig wrth sicrhau bod Undeb y Myfyrwyr yn parhau i fod yn atebol i'r myfyrwyr y mae'n eu cynrychioli. Mae Cynghorau Campws yn gyfle i fyfyrwyr siarad â'u cynrychiolwyr myfyrwyr a'u dwyn i gyfrif am weithredu’r hyn sydd yn eu maniffestos. Fe gewch chi well syniad o'r hyn mae eich cynrychiolwyr yn ei wneud o ran eirioli dros gorff y myfyrwyr, y prosiectau maen nhw'n gweithio arnyn nhw, a'r cynnydd maen nhw wedi'i wneud. Mae Cynghorau Campws hefyd yn gyfle i fyfyrwyr gyflwyno syniadau i'r cyngor. Yno, fe gynhelir pleidlais arnyn nhw a'u symud ymlaen i'r Cyfarfod Cyffredinol Blynyddol os ydyn nhw'n llwyddiannus.

Sut maen nhw'n gweithio?

Bydd yr agenda’n cael ei chyhoeddi cyn Cyngor y Campws. Bydd yr agenda’n cynnwys manylion yr hyn fydd yn cael ei drafod yn ystod y cyfarfod. Yn ystod y cyngor, bydd Llywydd eich Campws, Swyddogion Rhan-Amser, a Chynrychiolwyr Llais Myfyrwyr yn rhoi'r wybodaeth ddiweddaraf am y math o bethau maen nhw wedi bod yn gweithio arnyn nhw, a pha gynlluniau sydd ganddyn nhw. Wedyn, byddwn yn pleidleisio ar unrhyw gynigion neu eitemau eraill ar yr agenda. Ar ôl hynny, bydd cyfle i fyfyrwyr ofyn unrhyw gwestiynau sydd ganddynt.

Pryd a Ble

Caerdydd
11 Mai 13:00 - 14:00
Ar-lein Microsoft Teams

Abertawe
12 Mai 10:00 - 11:00
Ar-lein Microsoft Teams

Caerfyrddin
12 Mai 15:00 -16:00
Ar-lein Microsoft Teams

Llundain
14 Mai 13:00 - 14:00
Ar-lein Microsoft Teams

Birmingham
20 Mai 10:00 -11:00
Ar-lein Microsoft Teams