Dydd Llun 29-06-2020 - 07:52

Helo! Fy enw i yw Tammy, a fi yw Llywydd newydd campws Llambed! Rwy'n edrych ymlaen yn fawr at eich cynrychioli chi i gyd a gweithio tuag at sicrhau bod pob myfyriwr yn Llambed yn cael y profiad prifysgol rydyn ni ei eisiau ac yn ei haeddu. Gallwch gysylltu â fi drwy:

 

Cysylltwch  Ni

 

E-bost

tammy.bowie@uwtsd.ac.uk

 

Facebook

Tammy Lampeter Pres

 

Instagram

@lampeterofficer

 

Beth wnest ti ei astudio yn y Brifysgol, a beth wnest ti ei fwynhau fwyaf amdano?

Ar hyn o bryd rydw i’n astudio ar gyfer MA mewn Hanes yr Henfyd, ond fe wnes i gwrs BA mewn Gwareiddiad Clasurol yn Llambed ar gyfer fy ngradd gyntaf. Rwy'n credu mai'r peth rwy'n ei fwynhau fwyaf am astudio yn Llambed yw'r amrywiaeth yn y ffordd y mae ein darlithwyr yn addysgu a'r angerdd amlwg sydd ganddyn nhw dros eu pynciau, yn ogystal â'r gefnogaeth anhygoel rydyn ni'n ei derbyn trwy gydol ein hastudiaethau.

 

Beth yw dy flaenoriaethau eleni?

Mae gen i sawl blaenoriaeth, yn enwedig o ran Profiad Myfyrwyr yn y sector addysgol ar ôl Covid-19. Rwyf am ganolbwyntio ar fenter iechyd meddwl newydd, gwella hygyrchedd corfforol ac ariannol ein campws, datblygu ein polisi gwyrdd a llawer, llawer mwy. Fodd bynnag, rwy'n credu ei bod hi'n bwysig iawn bod gan fyfyrwyr rôl weithredol a lleisiol yn y gwaith rwy'n ei wneud eleni, felly os oes rhywbeth rydych chi am i mi weithio arno, gadewch i mi wybod!

 

Faint oeddet ti’n ymwneud â'r UM cyn i ti ddod yn Llywydd?

Roeddwn yn ymwneud â'r UM cyn i mi gael fy ethol yn Llywydd - chwaraeon a chymdeithasau’n bennaf. Roedd gen i rôl ar bwyllgor tîm rygbi menywod Llambed, tîm pêl-rwyd Llambed a chymdeithas ddawns Llambed ers fy ail flwyddyn yn y brifysgol, ac o ganlyniad rwyf yn awyddus i weld pob camp a chymdeithas yn cael y gorau o'r UM er mwyn symud ymlaen at bethau mwy a gwell. Rwy'n edrych ymlaen at weld yr hyn y gallwn ni i gyd ei gyflawni gyda'n gilydd wrth symud ymlaen. Cymerais ran hefyd mewn ambell ddigwyddiad yn yr UM fel Hawlio’r Nos yn Ôl, yn ogystal â chynrychioli UMyDDS yng nghynhadledd UCM Cymru a chynadleddau rhyddhad UCM y DU yn 2019.

 

Oes gen ti unrhyw gyngor ar gyfer myfyrwyr newydd?

Y peth rhyfeddol am fynd i’r brifysgol yw eich bod chi'n cael allan ohono’r hyn rydych chi'n ei roi i mewn; yn ogystal â’ch graddau academaidd, mae hynny hefyd yn wir am weithgareddau allgyrsiol. Felly, fy nghyngor i fyddai os oes gennych chi angerdd am ddemocratiaeth, cynrychiolaeth myfyrwyr, chwaraeon, rhyddhad neu hyrwyddo'r amgylchedd ymhlith llawer o bethau eraill - Cyfranogwch! Mae yna fyfyrwyr ar y campws, rhai newydd a rhai sy'n dychwelyd, sy’n rhannu’r un angerdd, ac mae'r ymdeimlad o gymuned ar gampws Llambed yn unigryw ac yn ysbrydoledig. Ond os ydych chi am aros yn eich ystafell a darllen, mae hynny'n berffaith iawn hefyd.

.