Dydd Mawrth Darbodus!
- Dydd Mawrth Darbodus! Dylan Thomas Centre Dydd Mawrth 13-10-2026 - 11:00 tan Dydd Mawrth 13-10-2026 - 13:00
Dydd Mawrth Darbodus!
Gadewch i ni fod yn ddarbodus!
Ymunwch â Llywydd Campws Caerdydd ac Abertawe, Layla, am Ddydd Mawrth Darbodus o amgylch Abertawe.
Mewn byd o ffasiwn gyflym a chostau byw uchel, mae cael gafael ar eitemau ail-law neu hyd yn oed eitemau newydd sydd heb eu defnyddio mewn siopau elusen a siopau hen bethau yn ymddangos fel yr ateb perffaith. Cymerwch seibiant o'r bargeinion ar-lein a dewch gyda ni i gael golwg o gwmpas yr ardal leol am fargeinion na fyddwch chi'n dod o hyd iddyn nhw yn unman arall!
Pryd: Dydd Mawrth 13eg Hydref
Amser: Cyfarfod am 11am
Ble: Canolfan Dylan Thomas
Byddwn yn cwrdd â chi yn nerbynfa Canolfan Dylan Thomas, ac yn dechrau trwy archwilio'r Cwpwrdd Cymunedol ar y safle am unrhyw eitemau am ddim a allai fod yn ddefnyddiol i chi. Dewch â'ch bagiau siopa a rhestr o unrhyw hanfodion rydych chi'n chwilio amdanynt, ac fel grŵp byddwn ni i gyd yn mynd ati i chwilio gyda'n gilydd.
Yna byddwn yn mynd i mewn i'r dref ac yn edrych o gwmpas y nifer o siopau elusen a siopau hen bethau sydd ar garreg y drws.
Mynnwch docyn fel ein bod ni'n gwybod eich bod chi'n dod; nid yw’n costio unrhyw beth i gael tocyn, ond dim ond os ydych chi'n bwriadu ymuno â ni y dylech chi gael gafael ar un.
Hygyrchedd
- Mae'r rhan fwyaf o Abertawe yn weddol wastad, er y gall rhai slabiau palmant fod yn anwastad; byddwch yn ymwybodol o hyn os oes gennych chi unrhyw anawsterau symudedd. Fodd bynnag, byddwn yn ceisio cadw at dir gwastad, llyfn lle bo modd.
- Byddwn yn cadw gyda’n gilydd mewn grŵp i gerdded o gwmpas, ond ar ryw adeg efallai y bydd yn rhaid i staff Undeb y Myfyrwyr adael. Os ydych chi'n poeni am fod ar eich pen eich hun mewn lle newydd, rydym yn awgrymu dod â ffrind gyda chi a sicrhau bod gennych chi ffôn wedi'i wefru'n llawn.
Lleoliad/Amser
Lleoliad : Dylan Thomas Centre
Math: Rhowch Gynnig Arni, Rhowch Gynnig Arni Abertawe, Abertawe
Dyddiad dechrau: Dydd Mawrth 13-10-2026 - 11:00
Dyddiad gorffen: Dydd Mawrth 13-10-2026 - 13:00
Manylion cyswllt
Rebecca
su.opps@uwtsd.ac.uk
Telerau ac amodau
Clic yma i weld y telerau ac amodau
Digwyddiadau sydd â mynediad trwy docyn
Mae lleoedd yn gyfyngedig ar gyfer rhai digwyddiadau. Os oes botwm Archebwch Nawr yn ymddangos o fewn y disgrifiad, mae'n rhaid i chi gofrestru cyn y gallwch fynychu. Ar gyfer y digwyddiadau hyn, archebwch le dim ond os ydych chi'n gwybod y gallwch chi fod yn bresennol. Gallwch hefyd roi gwybod i ni os na allwch fynychu fel y gallwn gynnig eich lle i rywun arall.
Ad-daliadau
Ni ellir ad-dalu cost tocynnau ar gyfer digwyddiad a ffioedd archebu, oni bai;
-
Eich bod yn rhoi o leiaf deg diwrnod gwaith o rybudd i ni
-
Rydym yn gohirio neu’n canslo'r digwyddiad.
- Neu mae'r digwyddiad wedi'i newid yn sylweddol o'r hysbyseb wreiddiol.
Cysylltwch â ni yn union@uwtsd.ac.uk i drafod eich archeb.
Ffotograffiaeth a Fideo
Mae’n bosibl y bydd ffotograffau a fideos yn cael eu cymryd yn ein digwyddiadau. Trwy archebu lle yn ein digwyddiad, rydych yn rhoi hawliau llawn i ni (Undeb Myfyrwyr PCyDDS) ddefnyddio’r delweddau sy’n deillio o hynny. Os nad ydych yn dymuno cael eich llun wedi’i dynnu, rhowch wybod i ni trwy gysylltu neu siarad â'r ffotograffydd ar y safle.
Preifatrwydd
Gallwch weld ein hysbysiad preifatrwydd yn llawn ar ein gwefan.
Undeb Myfyrwyr PCyDDS yw’r elusen sydd yma i helpu myfyrwyr PCyDDS i wneud y gorau o’u hamser yn y brifysgol drwy, gynnig cyngor, cynrychiolaeth, cyfleoedd a digwyddiadau.
Ein Swyddfeydd
Gwybodaeth Ddefnyddiol
Mae Undeb Myfyrwyr PCyDDS yn enw brand sy’n perthyn i Undeb Myfyrwyr y Drindod Dewi Sant • © Undeb Myfyrwyr Drindod Dewi Sant, Cedwir Pob Hawl. Rhif Elusen Gofrestredig yng Nghymru a Lloegr: 1157951. Cwmni Cyfyngedig dan warant: 09103924
Mae Undeb Myfyrwyr PCyDDS yn aelod o Undeb Cenedlaethol y Myfyrwyr (UCM), Elusen UCM a Chymdeithas Chwaraeon Prifysgolion a Cholegau Prydain (BUCS). Dysgwch fwy ar ein tudalen we ymaelodaethau.
