Shwmae bawb! 

 

Fy enw i yw Shaun Cheatle, ac rwy'n sefyll ar gyfer rôl Llywydd Campws Llambed.   

Rwyf wedi bod yn ymwneud ag undeb y myfyrwyr yn flaenorol gyda'r swyddi canlynol:   

 

• Swyddog Chwaraeon rhan-amser 2023/24  
• Ysgrifennydd Rygbi Llambed 2021/22   
• Trysorydd ac Is-gapten Pêl-rwyd 2021/22  
•  Ysgrifennydd Cymdeithas Bêl-droed Llambed 2021/22  

 

Rwyf wedi ymrwymo i feithrin cymuned campws gefnogol, gynhwysol a bywiog; Rwy’n addo rhoi blaenoriaeth i rymuso cymdeithasau myfyrwyr ac adnewyddu ein hystafell aml-ffydd. Gyda’n gilydd, gadewch i ni weithio tuag at greu amgylchedd campws lle mae pob myfyriwr yn teimlo ei fod yn cael ei werthfawrogi, ei gefnogi, a’i rymuso i ddilyn ei agerdd a’i gredoau.  

 

1. Grymuso Cymdeithasau Myfyrwyr:  

• Gwella mynediad at gyllid i gymdeithasau myfyrwyr trwy sefydlu prosesau tryloyw a symlach ar gyfer ceisiadau grant a dyraniadau ariannol.  
• Eirioli dros greu cronfa bwrpasol i gefnogi mentrau, digwyddiadau a phrosiectau a arweinir gan fyfyrwyr, gan sicrhau bod gan gymdeithasau’r adnoddau sydd eu hangen arnynt i ffynnu.  
• Cydweithio â gweinyddiaeth y brifysgol i roi mwy o fynediad i gymdeithasau at gyfleusterau campws, gan gynnwys ystafelloedd cyfarfod, mannau ar gyfer digwyddiadau, ac offer, gan eu galluogi i drefnu gweithgareddau sy'n cael effaith ac sy’n atyniadol.  

 

2. Gwella Cyfleusterau Aml-ffydd:  

• Blaenoriaethu gwella’r ystafell aml-ffydd ar y campws i ail-greu gofod croesawgar a chynhwysol i fyfyrwyr o bob ffydd a chred.