Bwrdd yr Ymddiriedolwyr

Mae gan Fwrdd yr Ymddiriedolwyr gyfrifoldeb cyffredinol am sefydlogrwydd ariannol a chyfreithiol Undeb y Myfyrwyr. Mae ei aelodaeth yn cynnwys y pedwar swyddog llawn-amser, pedwar myfyriwr ymddiriedolwr a phedwar ymddiriedolwr allanol.

Mae yna hefyd is-bwyllgorau'r Bwrdd sy'n ymdrin â materion fel Iechyd a Diogelwch, penodi Swyddog Etholiadau a chadarnhau'r archwiliad ariannol blynyddol.

Mae pob Ymddiriedolwr Sabothol yn aelod o'r Pwyllgor Llywodraethiant, Penodiadau ac Enwebiadau. Gwahoddir pob Ymddiriedolwr i fynychu sesiwn hyfforddi diwrnod-o-hyd gan NCVO a ddarperir gan ymgynghorydd llywodraethiant, yn ogystal â mynediad i blatfform e-ddysgu NCVO. Gall ymddiriedolwyr hefyd fanteisio ar hyfforddiant cyllid yn ogystal â rhaglen fentora. Mae Ymddiriedolwyr Sabothol yn derbyn pythefnos o hyfforddiant dwys yn ystod eu hwythnosau cyntaf yn y rôl sy'n cwmpasu eu swyddogaeth fel ymddiriedolwyr, cynrychiolwyr myfyrwyr, portffolio, ac ymgyrchwyr.

Ein Holl Is-Bwyllgorau

Is-Bwyllgor Cyllid

Mae’r gyllideb ar gyfer yr undeb yn mynd gerbron yr is-bwyllgor hwn cyn ei chyflwyno i Fwrdd yr Ymddiriedolwyr. Mae'r is-bwyllgor hefyd yn adolygu gwariant ac incwm yr undeb drwy gydol y flwyddyn. Yn ystod adolygiad o’r flwyddyn, mae’n bosibl y bydd yr is-bwyllgor yn argymell unrhyw welliannau i'r gyllideb. Mae'r pwyllgor hefyd yn sicrhau bod yr holl adroddiadau ariannol statudol a rheoliadol priodol yn cael eu cynnal.

Mae'r pwyllgor yn cynnwys tri Ymddiriedolwr Sabothol; un Myfyriwr Ymddiriedolwr; un Ymddiriedolwr Allanol a'r Dirprwy Is-Ganghellor (neu eu henwebai) fel aelodau llawn. Mae'r Prif Weithredwr a'r Pennaeth Cyllid yn darparu cymorth a’r wybodaeth ddiweddaraf i'r pwyllgor.

Is-Bwyllgor Iechyd a Diogelwch

Mae Iechyd a Diogelwch yn bwysig ym mhob mudiad, mae'r is-bwyllgor hwn yn datblygu, yn cynnal ac yn asesu polisïau a safonau Iechyd a Diogelwch yr UM. Mae'n sicrhau bod yr undeb yn cadw at ddeddfwriaeth a safonau perthnasol. Yn ogystal â hynny, mae'n sicrhau bod adroddiadau clir rhwng y brifysgol ac undeb myfyrwyr ynghylch Iechyd a Diogelwch.

Mae'r pwyllgor yn cynnwys y Prif Weithredwr (fel Cadeirydd); un Ymddiriedolwr Sabothol; un Ymddiriedolwr Allanol; ac un Myfyriwr Ymddiriedolwr. Mae’r Rheolwr Busnes a Chyllid; cynrychiolydd o adran Iechyd a Diogelwch PCyDDS; a chydlynydd Datblygu Myfyrwyr i gyd yn mynychu i gynorthwyo gwaith y pwyllgor.

Is-Bwyllgor Llywodraethiant, Enwebiadau a Phenodiadau

Mae hefyd yn adolygu perfformiad y Bwrdd ei hun, gan ystyried sut y gellir cynnig cymorth i ymddiriedolwyr a sut mae'r mudiad yn paratoi ar gyfer sefyllfa pa fo unrhyw ymddiriedolwyr yn gadael eu rôl. Mae aelodaeth y pwyllgor hwn yn cynnwys y pedwar ymddiriedolwr sabothol ac un ymddiriedolwr allanol, ac maent yn derbyn diweddariadau gan Brif Weithredwr yr undeb a Rheolwr AD y brifysgol.

Is-Bwyllgor AD a Chyflogau

Mae’n gyfrifol am fonitro ac adolygu: recriwtio a dethol, tâl ac amodau cyflogaeth, y berthynas â’r staff a datblygu staff. Aelodau llawn y pwyllgor yw’r tri Ymddiriedolwr Allanol (1 fel Cadeirydd - Is-Gadeirydd ByrY), un Myfyriwr Ymddiriedolwr ac aelod allanol wedi’i benodi. Mae Prif Weithredwr yr UM a Rheolwr Adnoddau Dynol PCyDDS yn aelodau ex-officio.

Is-Bwyllgorau Archwilio a Risg

Mae'r Is-bwyllgor Archwilio a Risg yn bodoli i fonitro rheolaethau a systemau rheoli risg mewnol Undeb y Myfyrwyr. Mae'r pwyllgor yn cynnwys dau Ymddiriedolwr Sabothol, un Myfyriwr Ymddiriedolwr ac un Ymddiriedolwr Allanol fel aelodau llawn. Mae'r Prif Weithredwr a'r Pennaeth Cyllid yn aelodau ex officio. Mae angen archwilio'r Undeb yn allanol i sicrhau bod camau'n cael eu dilyn.