Dydd Llun 08-04-2024 - 10:30

Mae Taya, Llywydd y Grŵp, wedi helpu â darparu cymorth amserol y mae mawr ei angen i’n haelodau dros y ddwy flynedd ddiwethaf. Trwy arwain ein Hymgyrch Costau Byw yn Undeb y Myfyrwyr, mae Taya wedi llwyddo i gyflawni amryw o wahanol ffyrdd o gefnogi myfyrwyr tra byddant yn y brifysgol - un o'r llwyddiannau hynny fu darparu cynhyrchion misglwyf ac atal cenhedlu am ddim i'n holl gampysau gyda'n hunedau Dewis a Dethol.

Beth yw’r Uned Dewis a Dethol? 

Gallwch ddod o hyd i un o'n Hunedau Dewis a Dethol Undeb y Myfyrwyr ar ein campysau; maent wedi'u brandio â brand Undeb y Myfyrwyr ac maent yn llawn eitemau i chi eu cymryd pan fo angen.  

Mae’r canlynol ar gael ar hyn o bryd yn ein hunedau Dewis a Dethol: 

• Tamponau (Arferol ac Ultra)  
• Padiau (Arferol ac Ultra)  
• Condomau (Arferol â Rib a Dotiau)  
• Hylif Iro (iraid seiliedig ar ddŵr)

Sylwch y gall mathau o eitemau amrywio ychydig yn dibynnu ar y campws ac argaeledd.  

Ond nid dyna'r cyfan! Mae mwy o eitemau ar gael ar gais – gofynnwch i aelod o dîm staff Undeb y Myfyrwyr

“Pan ddes i i’r swydd, roeddwn i eisiau parhau â’r gwaith a ddechreuwyd o’m blaen trwy lobïo am barhad cynnyrch misglwyf am ddim ar BOB UN o’n campysau. Mae misglwyf yn gallu bod yn ddrud iawn ac maen brofiad hollol ddiflas, felly roedd dileu'r baich o beidio â gwybod a allwch chi fforddio cynhyrchion ai peidio yn rhywbeth a oedd yn teimlo'n bwysig iawn i mi. Lansiwyd y prosiect i helpu â rhoi diwedd ar y stigma o gwmpas y misglwyf a bod unrhyw un sydd eu hangen yn gallu cael gafael ar gynhyrchion pwrpasol am ddim. Ar y dechrau, roedd pobl yn bryderus ynghylch mynd at yr unedau Dewis a Dethol, ond nawr mae'n wych gweld pobl yn cyrchu'r nwyddau hyn heb deimlo unrhyw gywilydd na beirniadaeth. Rwyf mor falch bod myfyrwyr yn gwerthfawrogi’r prosiect, a chafwyd llawer o adborth cadarnhaol ynghylch pa mor angenrheidiol ydyw, a’i bod yn bwysig iddo barhau. Mae’r prosiect hwn wedi bod yn llwyddiant mawr i’r Undeb, a gyda rhywfaint o help ar hyd y ffordd gan y Brifysgol rwy’n gobeithio y bydd yn parhau ymhell ar ôl i mi adael.” - Taya Gibbons, Llywydd y Grŵp 

Gallwch gael mynediad at eich unedau dewis a dethol agosaf yn: 

Abertawe:  
Swyddfa Undeb y Myfyrwyr, Canolfan Dylan Thomas
 
Caerfyrddin: 
Swyddfa Undeb y Myfyrwyr 
 
Llambed: 
Swyddfa Undeb y Myfyrwyr 
 
Caerdydd: 
Ardal Argraffu’r Myfyrwyr 
 
Llundain: 
Tŷ Winchester - Llawr 1aft, gyferbyn â'r toiledau 
Tŷ Salisbury - Llawr 1af, ger ystafell gyffredin y myfyrwyr 
 
Birmingham (Quay Place): 
Tŷ Louisa – Llawr 1af, tua chefn ystafell gyffredin y myfyrwyr 
Tŷ Vincent – llawr gwaelod, gyferbyn â’r ddesg gymorth TG 
 
Birmingham (Sparkhill): 
Llawr gwaelod, tua chefn ystafell gyffredin y myfyrwyr 

Ffurflen Ail-lenwi Dewis a Dethol