Dydd Llun 03-02-2025 - 11:35

Fy nghyd-fyfyrwyr, wrth i ni groesawu’r flwyddyn newydd a’r tymor academaidd newydd, dymunaf heddwch, cariad, twf parhaus a llwyddiant i chi i gyd. Rwyf yn eich annerch i gyd mewn ymdrech i roi unrhyw eglurder a sicrwydd y gallaf ar hyn o bryd.
    
Mae llawer ohonoch wedi estyn allan ac wedi cymryd yr amser i leisio eich ofnau - ac rwy'n eich parchu am fod yn ddigon dewr i wneud hynny. Mae eraill ohonoch wedi bod yn poeni'n dawel, ac rwy'n clywed eich calon. Rwy’n deall y gallai’r sgyrsiau hyn beri ansicrwydd a phryder am eich astudiaethau a’ch dyfodol yn PCyDDS.

Mae eich profiad fel myfyriwr yn dal i fod yn ganolog i'r hyn a wnawn. Cofiwch ein bod ni - eich Undeb Myfyrwyr - yn gweithio'n ddiwyd i sicrhau bod amddiffyn myfyrwyr yn flaenoriaeth trwy gydol y broses hon.
    
Mae'r Brifysgol wedi ymrwymo ers amser maith i'w Chytundeb â Myfyrwyr, sydd â’r nod o amddiffyn eich taith academaidd a darparu profiad dysgu o ansawdd uchel i chi, ac rydym yn benderfynol o sicrhau bod yr ymrwymiad hwn yn cael ei gyflawni.

Ein ffocws yw: 

1. Sicrhau cyfathrebu clir - pan fydd y penderfyniad yn cael ei wneud, byddwn yn helpu i gyfleu’r hyn y mae’n ei olygu i chi yn ogystal â’r cymorth sydd ar gael i chi
2. Diogelu eich buddiannau – boed hynny trwy ddilyniant academaidd, cymorth cymudo, neu gynnal ymdeimlad cryf o gymuned, rydym yn gweithio i sicrhau bod eich anghenion yn cael eu diwallu os bydd newidiadau’n digwydd. 
3. Ymgyrchu dros opsiynau hyblyg – rydym yn pwyso am ddatrysiadau sy'n darparu ar gyfer pob math o fyfyrwyr, p'un a ydych yn ddysgwr hŷn, yn fyfyriwr sy’n cymudo, neu'n cydbwyso ymrwymiadau teuluol. 
4. Gwrando arnoch chi – mae eich adborth yn amhrisiadwy. Rydym yn gweithio'n galed i gasglu a chyflwyno'ch pryderon a'ch awgrymiadau i'r rhai sy'n gwneud penderfyniadau yn y brifysgol er mwyn ystyried eich dyfodol academaidd a'ch llesiant personol.

Fel mae llawer ohonoch wedi rhannu, mae Llambed yn fwy na champws; dyma'ch cartref, cymuned, a gofod ar gyfer twf personol ac academaidd. 

Rydym wedi ymrwymo i gynnal y gwerthoedd hyn, boed hynny trwy gymorth gwell i fyfyrwyr, adnoddau ychwanegol, neu gyfleoedd newydd. 

Os oes gennych chi gwestiynau, neu bryderon, neu dim ond angen siarad, mae croeso i chi estyn allan trwy anfon e-bost i union@uwtsd.ac.uk

Fy nghyngor i yw hyn; peidiwch â digalonni. Mewn cyfnod o ansicrwydd, rhaid i ni wneud y gorau o’r cyfle i ddod at ein gilydd a chynnig cefnogaeth i’n gilydd. 

Mewn undod, Rhobyn Grant, Llywydd Campws Llambed