Dydd Mawrth 18-11-2025 - 10:29

Yn y bôn, cyfarfod mawr a gynhelir dair gwaith y flwyddyn ar bob campws yw Cyngor y Campws. Yn y cyfarfod hwnnw, bydd aelodau Cyngor yr Undeb (Swyddogion Rhan-Amser a Swyddogion Sabothol) i gyd yn rhoi'r wybodaeth ddiweddaraf am yr hyn maen nhw wedi bod yn ei wneud, a bydd cyfle ganddyn nhw i ateb cwestiynau. Mae croeso i bob Myfyriwr fynychu

Pam ydyn ni'n eu cynnal nhw?

Mae Cynghorau Campws yn gam pwysig wrth sicrhau bod Undeb y Myfyrwyr yn parhau i fod yn atebol i'r myfyrwyr y mae'n eu cynrychioli. Mae Cynghorau Campws yn gyfle i fyfyrwyr siarad â'u cynrychiolwyr myfyrwyr a'u dwyn i gyfrif am weithredu’r hyn sydd yn eu maniffestos. Fe gewch chi well syniad o'r hyn mae eich cynrychiolwyr yn ei wneud o ran eirioli dros gorff y myfyrwyr, y prosiectau maen nhw'n gweithio arnyn nhw, a'r cynnydd maen nhw wedi'i wneud. Mae Cynghorau Campws hefyd yn gyfle i fyfyrwyr gyflwyno syniadau i'r cyngor. Yno, fe gynhelir pleidlais arnyn nhw a'u symud ymlaen i'r Cyfarfod Cyffredinol Blynyddol os ydyn nhw'n llwyddiannus.

Sut maen nhw'n gweithio?

Bydd yr agenda’n cael ei chyhoeddi cyn Cyngor y Campws. Bydd yr agenda’n cynnwys manylion yr hyn fydd yn cael ei drafod yn ystod y cyfarfod. Yn ystod y cyngor, bydd Llywydd eich Campws, Swyddogion Rhan-Amser, a Chynrychiolwyr Llais Myfyrwyr (?) yn rhoi'r wybodaeth ddiweddaraf am y math o bethau maen nhw wedi bod yn gweithio arnyn nhw, a pha gynlluniau sydd ganddyn nhw. Wedyn, byddwn yn pleidleisio ar unrhyw gynigion neu eitemau eraill ar yr agenda. Ar ôl hynny, bydd cyfle i fyfyrwyr ofyn unrhyw gwestiynau sydd ganddynt.

Pryd a Ble

Caerdydd
24ain Tachwedd 14:00 - 15:00
Ar-lein Microsoft Teams
https://www.uwtsdunion.co.uk/events/cardiff-campus-council

Caerfyrddin
25ain Tachwedd 13:00 -14:00
Y Clwb, Undeb y Myfyrwyr 
Hybrid – wyneb-yn-wyneb ac ar Microsoft Teams
https://www.uwtsdunion.co.uk/events/carmarthen-campus-council-7d6f

Abertawe
26ain Tachwedd 17:00 - 18:00
Canolfan Dylan Thomas, Undeb y Myfyrwyr
Hybrid – wyneb-yn-wyneb ac ar Microsoft Teams
https://www.uwtsdunion.co.uk/events/swansea-campus-council-da32

Llundain
27ain Tachwedd 10:00 - 11:00
Ar-lein
https://www.uwtsdunion.co.uk/events/london-campus-council

Birmingham
28ain Tachwedd 10:00 -11:00
Ar-lein
https://www.uwtsdunion.co.uk/events/birmingham-campus-council