Dydd Gwener 05-06-2020 - 14:35

 

Mehefin yw mis Balchder; mae'n fis pan fyddwn ni’n rhoi sylw penodol i ddathlu cymunedau LHDT+. Mae 2020 wedi bod yn flwyddyn wallgof, a gyda phopeth sy'n digwydd, mae'n dal i fod mor bwysig ag erioed ein bod ni i gyd yn sefyll yn gadarn dros gydraddoldeb a pharch. Hoffem fanteisio ar y cyfle hwn i’ch tywys drwy hanes Balchder, dathlu buddugoliaethau’r gymuned LHDT+, siarad am y gwaith sydd ar ôl i'w wneud o hyd, a sut y gallwch chi ymuno â'n cymdeithasau LHDT+.

 

Hanes Balchder yn gryno.

 

Buddugoliaethau i'r gymuned LHDT+ yn 2020.

Nid oes unrhyw fuddugoliaeth yn rhy fawr nac yn rhy fach, ac mae pob un yn gam tuag at well cydraddoldeb. Dyma rai o’r buddugoliaethau nodedig i'r gymuned LHDT+ yn 2019/20. Gallwch weld hanes llawn hawliau LHDT+ ar Wikipedia: 

Hawliau LHDT ar Wikipedia

 

• Daeth priodas rhwng pobl o'r un rhyw yn gyfreithlon yn Awstria.
• Daeth deddf sy'n gwahardd lleferydd casineb yn seiliedig ar "hunaniaeth neu fynegiant trawsryweddol" i rym yn Sweden.
• Daeth deddf sy'n caniatáu opsiwn trydydd rhywedd ("amrywiaethol") ar ddogfennau swyddogol i rym yn yr Almaen.
• Daeth deddf sy'n caniatáu newid rhywedd yn gyfreithiol heb ofynion meddygol neu seicolegol, yn ogystal â thrydydd opsiwn rhywedd ("X") ar dystysgrifau geni, i rym yn ninas Efrog Newydd.
• Nid yw cyfunrywiaeth bellach yn drosedd yn Angola.
• Arwyddodd Llywodraethwr Efrog Newydd, Andrew Cuomo, fil sy'n gwahardd defnyddio therapi trosi ar bobol ifanc sydd dan oed. Daw'r ddeddf i rym ar unwaith, gan wneud Efrog Newydd y 15^fed talaith yn yr UD i wneud gwaharddiad o'r fath.
• Daeth New Jersey yn ail dalaith yn Unol Daleithiau America i fynnu bod ysgolion cyhoeddus yn dysgu deunydd sy’n gynhwysol i LHDT a phobl anabl.
• Mae Senedd Ffrainc wedi pleidleisio i ddisodli'r defnydd o'r geiriau "mam" a "tad" ar ffurflenni ysgol swyddogol gyda'r termau "rhiant 1" a "rhiant 2". Dywed y rhai sy’n gefnogol i’r ddeddfwriaeth mai’r nod yw sicrhau triniaeth gyfartal i ddisgyblion sydd â rhieni o'r un rhywedd.
• Daeth priodas rhwng pobl o’r un rhywedd yn gyfreithlon yn nhalaith Nuevo León, Mecsico, yn dilyn dyfarniad unfrydol gan y Goruchaf Lys Cyfiawnder Cenedlaethol, gan benderfynu bod gwaharddiad y dalaith ar briodasau o’r fath yn anghyfansoddiadol.
• Cyhoeddodd Llywodraethwr Puerto Rico, Ricardo Rosselló, orchymyn sy'n gwahardd proffesiynwyr iechyd meddwl rhag cynnig therapi trosi i bobl ifanc dan oed.
• Daeth priodas rhwng pobl o'r un rhyw yn gyfreithlon yn Taiwan.
• Cafwyd gwaharddiad yn San Marino ar gamwahaniaethu ar sail cyfeiriadedd rhywiol gan y cyfansoddiad. Pasiwyd y cynnig gyda 71.46% o bleidleisiau mewn refferendwm.
• Pasiwyd mesur yn Nhŷ’r Cyffredin yn Bhutan fel nad yw cyfunrywiaeth bellach yn drosedd yno.
• Gwnaed penderfyniad unfrydol gan Uchel Lys Botswana i sicrhau had yw cyfunrywiaeth bellach yn drosedd.
• Caniataodd yr uchel lys yn Ecwador briodasau rhwng pobl o’r un rhyw mewn penderfyniad arwyddocaol.
• Pleidleisiodd Goruchaf Lys Ffederal Brasil, gyda mwyafrif o 8 o’r 11 o farnwyr o blaid rhoi’r un statws i droseddau homoffobia a thrawsffobia â throseddau hiliaeth.
• Ar ôl derbyn Cydsyniad Brenhinol, daeth y bil sy'n cydraddoli oedran cydsynio yng Nghanada i rym.
• Daeth priodas rhwng pobl o’r un rhyw yn gyfreithlon yng Ngogledd Iwerddon. 
• Yn Virginia, UDA cyflwynwyd deddf sy'n gwahardd therapi trosi ar gyfer pobl ifanc dan oed (ar ôl iddi basio yn y Senedd a Thŷ’r Cynrychiolwyr). 
• Yn yr Almaen, pasiodd y senedd ddeddf yn gwahardd therapi trosi ar gyfer pobl ifanc dan oed ac yn gwahardd hysbysebu therapi trosi. Mae’r ddeddf hon hefyd yn gwahardd therapi trosi i oedolion, os gwnaed y penderfyniad drwy rym, twyll neu drwy ddwyn pwysedd ar yr unigolyn.

 

---

 

Mae Balchder yn fwy na gorymdaith, mae'n deimlad.

Mae Balchder yn ymwneud ag ailddatgan gwerthoedd cydraddoldeb, parodrwydd i dderbyn, urddas a chynyddu ymwybyddiaeth o'r gymuned LHDT+. Mae Balchder yn beth personol iawn. I rai, mae hynny'n golygu gwisgo'r holl liwiau a mynychu un o'r gorymdeithiau. I eraill, mae'n ymwneud â theimlo'n gyfforddus ynddynt eu hunain. Sut bynnag rydych chi am ddathlu, dylech chi fod yn falch o bwy ydych chi! 

 

Ddim yn teimlo'n llawn Balchder?

Fel aelod o'r gymuned LHDT+, mae eich taith yn unigryw. Efallai bod gennych bryderon am stigma, camwahaniaethu, dod allan. Cofiwch fod eich cymuned yma i chi, a gallwch ddod o hyd i gyngor gwych gan Mind a Stonewall. 

Cyngor LHDT+ gan MindCOVID-19 a Llesiant LHDTGwefan Stonewall

 

Herio hiliaeth yn y gymuned LHDT+. 

Mae balchder yn ymwneud â bod yn gynhwysol, yn barchus ac yn barod i dderbyn. Ac eto, mae astudiaeth a gynhaliwyd gan Stonewall yn dangos bod 51% o bobl LHDT+ sydd o leiafrifoedd ethnig wedi cael profiad o hiliaeth ar apiau canfod cymar ar-lein neu'n bersonol, ac mae'r canran hwn yn cynyddu i 61% ar gyfer y gymuned groenddu. Mae'n bwysig ein bod ni i gyd yn sefyll yn gadarn dros gydraddoldeb ac yn gweithio i fynd i'r afael â'r materion hyn. Meddai Ruth Hunt, Prif Weithredwr Stonewall y DU:

"Mae'r ymchwil hwn yn tanlinellu’r pryderon sy’n bodoli ynghylch pa mor ddifrifol yw problem rhagfarn yn ein cymuned, ac mae angen i ni siarad amdano. Ar-lein ac yn eu bywydau bob dydd, mae pobl LHDT groenddu’n cael eu hallgau ac yn wynebu stereoteipio gan eu cyfoedion croenwyn. Mae hyn yn golygu bod pobl LHDT CALlE yn teimlo nad oes croeso iddynt yn y gymuned ehangach [...] Mae hyn yn annerbyniol ac mae'n achosi niwed a drwgdybiaeth. Os yw newid go iawn i ddigwydd i bobl LHDT CALlE, mae angen i ni fel cymuned ddal drych i ni ein hunain a chael sgyrsiau agored ynglŷn â sut i newid. Mae hyn yn golygu dysgu cydnabod ein breintiau ein hunain a bod yn gefnogwyr gweithredol i'n gilydd."

Hiliaeth yn y gymuned LHDT

 

 

---

 

Gorymdeithiau Balchder yn 2020.

Bydd llawer o orymdeithiau Balchder yn digwydd yn ddiweddarach eleni. Dyma rai dolenni i'r amryw o drefnwyr Balchder ger ein campysau.   

Balchder CymruBalchder yn AbertaweBalchder yn BirminghamBalchder yn Llundain

 

---

 

Gadewch i'ch lliwiau ddisgleirio yn UMyDDS

Fel llawer o grwpiau eraill, mae'r gymuned LHDT+ yn dal i brofi ansicrwydd a chamwahaniaethu, ond mae'r gymuned wedi dod yn bell yn ystod y 70 mlynedd diwethaf. Mae mor bwysig bod pobl yn cael eu derbyn am bwy ydyn nhw, waeth sut maen nhw'n diffinio’u hunain a phwy maen nhw'n eu caru. Gadewch i'ch lliwiau ddisgleirio, a helpwch UMyDDS i ddathlu mis Balchder.

 

Part-time Officers

Os hoffech chi sefyll ar gyfer un o'r rolau hyn fel Swyddog, gwyliwch allan am ein hetholiadau yn ystod tymor cyntaf 2020/21

 

Cymdeithasau LHDT+

 

Os ydych chi'n astudio ar ein campysau yng Nghaerdydd, Birmingham neu Lundain, a’ch bod am sefydlu cymdeithas LHDT, byddem ni wrth ein bodd clywed gennych chi: yoursu@uwtsd.ac.uk