Dydd Mawrth 15-09-2026 - 11:00

Gall mynd i'r brifysgol fod yn newid mawr mewn bywyd, ffrindiau newydd, dinas newydd, cyfleoedd cyffrous o amgylch pob cornel. Ond weithiau gall fod ychydig yn frawychus, yn enwedig os ydych chi'n cael eich hun mewn gwlad newydd - ac rydyn ni'n deall hynny'n llwyr!

Dyna pam rydyn ni wedi llunio canllaw hawdd ei ddefnyddio o'r pethau pwysig y gallech fod angen i chi eu gwneud neu eu gwybod cyn ac yn ystod eich amser yma yn y Drindod Dewi Sant ac yn y DU

Fisa a Mewnfudo

• Fisa myfyriwr (Haen 4 gynt): Gwnewch gais gynted i chi gael Cadarnhad eich bod wedi cael eich Derbyn ar gyfer Astudiaethau (CAS) gan eich prifysgol. Bydd angen tystiolaeth fod gennych chi ddigon o arian, prawf o hyfedredd yn y Saesneg (os oes angen), a phasbort dilys.
• Gordal Iechyd Mewnfudo (IHS): Caiff hwn ei dalu fel rhan o'ch cais am fisa — mae hwn yn rhoi mynediad i chi i'r GIG am hyd eich fisa.
• • eFisa: Mae'r rhan fwyaf o fyfyrwyr bellach yn cael eFisa digidol yn hytrach na cherdyn diriaethol. Mae angen i chi greu cyfrif UKVI ar-lein i gael mynediad iddo — bydd ei angen arnoch i brofi eich hawl i astudio a gweithio.

Agor Cyfrif Banc yn y DU

• • Dewisiadau poblogaidd i fyfyrwyr: Monzo, Starling, Revolut (cyflym, trwy ddefnyddio ap, hawdd i newydd-ddyfodiaid) neu fanciau’r stryd fawr fel Barclays, HSBC, Lloyds (defnyddiol os ydych chi eisiau cymorth yn y gangen).
• • Fel arfer bydd angen y canlynol arnoch chi: pasbort, prawf o gyfeiriad (cytundeb tenantiaeth, llythyr gan y brifysgol, neu weithiau "llythyr banc" gan eich prifysgol yn cadarnhau eich bod wedi cofrestru), yn ogystal â manylion eich fisa/eFisa.
• • Gall PCyDDS eich darparu â llythyr ar gyfer banc - gallwch ei lawrlwytho ar eichcyfrif MyTSD

Cael gafael ar SIM / Cynllun Ffôn yn y DU

• Mae SIMs talu-wrth-ddefnyddio (giffgaff, Lebara, Lycamobile) yn rhad ac nid oes angen gwiriad credyd arnynt — yn dda ar gyfer eich wythnosau cyntaf.
• Unwaith y bydd gennych chi gyfrif banc, gallwch newid i SIM contract os byddai hynny’n well gennych chi.

Materion Ariannol

• Dewch â digon o arian parod/mynediad at gerdyn gyda chi ar gyfer eich 2–4 wythnos gyntaf (blaendal, costau byw cychwynnol) — gall cyfrifon banc y DU gymryd ychydig wythnosau i’w sefydlu.
• Rhowch wybod i'ch banc cartref eich bod yn symud, a gwiriwch ffioedd cardiau rhyngwladol.
• Ystyriwch gerdyn sy’n gweithio ar gyfer sawl gwahanol fath o arian (Revolut, Wise a.y.b.) am yr ychydig wythnosau cyntaf cyn i chi gael cyfrif yn y DU.

Cofrestru gyda Meddyg Teulu

Cofrestrwch gyda meddygfa leol y GIG cyn gynted ag y bydd gennych chi gyfeiriad — peidiwch ag aros nes eich bod yn sâl.

Lloegr:

Defnyddiwch wefan y GIG i ddod o hyd i feddygfeydd yn eich ardal a chofrestrwch ar-lein trwy eu gwefan neu wyneb-yn-wyneb gan ymweld â'r feddygfa agosaf.

Cymru:

Ganddefnyddio gwefan GIG 111 Cymru, gallwch ddod o hyd i'ch practis lleol a chysylltu â nhw'n uniongyrchol i gofrestru gyda nhw

• Sylwer: Unwaith y bydd y Gordal Iechyd Mewnfudo (IHS) wedi'i dalu, mae gofal y GIG am ddim wrth ei ddefnyddio (gyda rhai eithriadau fel gofal deintyddol a phresgripsiynau yn Lloegr).

 

Gofal Iechyd y Tu Hwnt i'r Meddyg Teulu

Damweiniau ac Achosion Brys (A&E): Mae adran Ddamweiniau ac Achosion Brys ar gyfer anafiadau difrifol ac argyfyngau sy'n peryglu bywyd. Gallwch hefyd gysylltu â'r gwasanaeth gofal brys hwn trwy ffonio 999 neu trwy ymweld ag adran ddamweiniau ac achosion brys mewn rhai ysbytai fel claf sy’n "cerdded i mewn".

GIG 111: os nad ydych chi'n siŵr a oes angen i chi fynd i'r adran Ddamweiniau ac Achosion Brys, gall GIG 111 wirio'ch symptomau a dweud wrthych chi beth i'w wneud.
Gwiriwch eich symptomau ar 111 ar-lein, neu ffoniwch 111 i siarad â rhywun os oes angen help arnoch

Gofal deintyddol ac optegol: Nid yw'n gwbl ddi-dâl; gwnewch yn siŵr eich bod yn cynnwys hyn yn eich cyllideb ar wahân; yn dibynnu ar y practis a'r driniaeth, gall disgowntiau i fyfyrwyr fod yn berthnasol weithiau.

Tai

Os nad ydych chi eisoes wedi trefnu llety, neu os oes angen i chi ddod o hyd i le yng nghanol eich astudiaethau, mae yna ychydig o bethau i'w hystyried:

Llwyfannau cyffredin ar gyfer dod o hyd i eiddo rhent yn y sector preifat: SpareRoom, Rightmove, Zoopla.

• Byddwch yn ofalus o sgamiau: Peidiwch byth ag anfon blaendal cyn gweld eiddo (wyneb-yn-wyneb neu trwy alwad fideo wedi'i gwirio) a pheidiwch byth â thalu trwy drosglwyddiad banc i rywun nad ydych wedi cadarnhau pwy ydyw. Mae landlordiaid/asiantau cyfreithlon yn defnyddio blaendal gwarchodedig;

Gofynnwch am y “cynllun diogelu blaendaliadau”- yn ôl y gyfraith, rhaid i'ch landlord ddiogelu eich blaendal mewn cynllun wedi’i gymeradwyo gan y llywodraeth (e.e. DPS, MyDeposits, TDS) o fewn 30 diwrnod i'w dderbyn, a rhoi'r manylion i chi.

Mae gennych chi hawl i gytundeb tenantiaeth ysgrifenedig: y contract cyfreithiol rhwymol rhwng landlord a thenant sy'n nodi'r rheolau ac amodau ar gyfer rhentu eiddo

Gall PCyDDS eich darparu â llythyr eithrio rhag Treth y Cyngor (Mae hwn ar gael i bob myfyriwr cymwys llawn-amser, cofrestredig sydd â hawl i gael ei eithrio rhag treth y cyngor). Gellir lawrlwytho hwn o'ch Cyfrif MyTSD

Ein Hadnoddau Tai:

https://www.uwtsdunion.co.uk/advice/housing

https://www.uwtsdunion.co.uk/articles/moving-tips-before-you-sign-on-the-dotted-line
 

Gweithio Tra’n Astudio

• Gall y rhan fwyaf o fyfyrwyr sy’n ddeiliaid fisa weithio “hyd at 20 awr yr wythnos yn ystod y tymor” ac yn llawn-amser yn ystod gwyliau swyddogol — ond mae hyn yn amrywio yn ôl lefel y cwrs ac amodau’r fisa, felly gwiriwch gyfyngiadau penodol eich fisa.
• • Bydd angen “rhif Yswiriant Gwladol (YG)” arnoch i weithio’n gyfreithlon a thalu treth yn gywir - gwnewch gais cyn gynted ag y byddwch yn cyrraedd trwy wefan llywodraeth y DU.

Cyllidebu

Fel arfer, fe welwch mai rhent yw eich cost fwyaf, ac yna bwyd, teithio a biliau, felly gallai fod yn ddefnyddiol creu taenlen neu ddogfen sy'n dangos yr arian sydd gennych yn dod i mewn a'ch costau sy'n mynd allan; bydd hyn yn caniatáu i chi wario o fewn eich cyllideb.

Chwiliwch am ostyngiadau i fyfyrwyr:

TOTUM - rydym yn gweithio gyda TOTUM i gynnig gostyngiadau myfyrwyr unigryw i chi. Gallwch gael mynediad at fwy na 400 o ostyngiadau ar-lein ac mewn siopau ar gyfer brandiau fel Apple, Samsung, ASOS ac Amazon gyda TOTUM. https://www.uwtsdunion.co.uk/venues-and-shop/student-discount

Cerdyn Adnabyddiaeth Myfyrwyr Rhyngwladol (ISIC) - rydym yn falch o weithio gyda'r Cerdyn Adnabyddiaeth Myfyrwyr Rhyngwladol i roi mynediad i chi at ostyngiadau ac i wirio'ch statws myfyriwr ledled y byd.
Y cerdyn ISIC yw'r unig gerdyn adnabyddiaeth myfyrwyr a dderbynnir yn rhyngwladol. Fel myfyriwr yn PCyDDS, gallwch chi brynu cerdyn ISIC i gadarnhau eich statws myfyriwr a chael mynediad at ostyngiadau mewn dros gant o wledydd, o deithio i dechnoleg, llety a bwyd, i ddiwylliant a siopa. https://www.uwtsdunion.co.uk/venues-and-shop/isic

• Mae'r ddau gerdyn disgownt hyn yn helpu i gefnogi'r gwaith rydyn ni'n ei wneud; rydyn ni'n derbyn comisiwn am bob cerdyn sy’n cael ei brynu gan ddefnyddio ein dolenni cyswllt, sy'n cael ei ailfuddsoddi yn ein gwaith i gefnogi ein prosiectau a'n gwasanaethau.
  
  Mae eraill fel Student Beans ac UniDays hefyd ar gael i gofrestru ar eu cyfer

 

Adeiladu Rhwydwaith Cymorth

Efallai eich bod chi'n teimlo ychydig yn hiraethus am adref - mae hynny'n hollol arferol. Gallai fod yn braf creu neu ddod o hyd i rwydwaith cymorth neu gymuned o bobl rydych chi'n rhannu'r un diddordebau, profiadau neu hobïau â nhw, fel y gallwch chi gysylltu a helpu i greu cartref oddi cartref.

• Ymunwch â'ch Undeb Myfyrwyr — cymdeithasau, clybiau a rhwydweithiau myfyrwyr rhyngwladol fel arfer yw'r ffordd gyflymaf o wneud ffrindiau a chael cyngor ymarferol gan bobl sydd wedi bod trwy’r un profiadau. https://www.uwtsdunion.co.uk/
• Chwiliwch am gymdeithasau diwylliannol/cymunedol sy'n gysylltiedig â'ch gwlad enedigol — maent yn aml yn ffynhonnell dda o gyfeillgarwch ac awgrymiadau ymarferol.