Dydd Iau 08-01-2026 - 15:28

Rydyn ni’n gobeithio y bydd 2026 yn flwyddyn anhygoel i chi!
 

Blwyddyn Newydd Dda i chi oddi wrthym ni, tîm Undeb y Myfyrwyr. Rydyn ni’n dechrau 2026 yn gryf gyda llawer i chi gymryd rhan ynddo.

Ond cyn hynny, ydych chi’n fodlon ein helpu ni i dyfu ein cymuned myfyrwyr ar Instagram yn 2026 trwy ein dilyn ni?

Dilynwch ni ar Instagram.
 

Y Tîm Cynghori Ar Daith

Mae ein tîm cynghori’n mynd ar daith ar draws Cymru gan stopio yng Nghaerdydd, Caerfyrddin ac Abertawe. Bydd aelodau’r tîm yno i sgwrsio am ein gwasanaeth cynghori am ddim ac ateb unrhyw gwestiynau sydd gennych chi. Gallwch chi ddod o hyd iddyn nhw rhwng 11:00 a 14:30 yn y lleoliadau canlynol:

1. Caerfyrddin: Dydd Mawrth 20fed Ionawr yng Nghaffi'r Cwad
2. Abertawe: Dydd Mercher 21ain Ionawr yn Adeilad IQ, Campws SA1
3. Caerdydd: Dydd Iau 22ain Ionawr yn Nerbynfa Tŷ Haywood

 

Cyfle i wella'ch sgiliau gyda’r Wythnos Sgiliau yng Nghaerdydd

Ar gyfartaledd, roedd yna 140 o ymgeiswyr am bob swydd ar gyfer graddedigion yn 2024 (ystadegau Sefydliad Cyflogwyr Myfyrwyr). Rydyn ni'n mynd i'ch helpu chi i sefyll allan o'r dorf trwy gynnig hyfforddiant am ddim fel rhan o’r Wythnos Sgiliau.

Cynhelir 21 sesiwn ar-lein ac ar y campws rhwng y 5ed a’r 10fed o Ionawr.
Gallwch weld rhestr ddigwyddiadau’r Wythnos Sgiliau ac ymuno â ni.
 

Pan fydd bywyd yn rhoi lemonau i chi ... gwnewch lemonêd

Ymunwch â Gwyneira, Llywydd Birmingham a Llundain, yn ei stondin lemonêd i siarad am fywyd myfyrwyr - gan rannu eich profiadau’n onest.

Bydd y stondin ar agor yn Birmingham ar y 14eg a'r 15fed o Ionawr rhwng 10:00 - 12:45 a 15:00 - 17:00. Yna mae'n mynd i  Lundain ar y 12fed a'r 13eg o Chwefror ac mae ar agor 10:00 - 12:00 a 14:00 - 16:30.

 

Ymunwch â'r hwyl gyda LLWYTH o Ddigwyddiadau Bar AM DDIM

Nosweithiau Cerddoriaeth Fyw, Gwisgo i Fyny ar Thema Disney, Sesiynau Crefftau, Cystadlaethau Pŵl, Nosweithiau Cwis - mae yna ddigonedd i chi gymryd rhan ynddo yn ein bar a chlwb myfyrwyr yng Nghaerfyrddin - gallwch weld y rhestr ar ein gwefan - a dyma'r rhai rydyn ni'n edrych ymlaen atynt:

1. Nos Wener 16eg Ionawr: Cerddoriaeth Fyw gyda Vain Stamen 🎸
2. Nos Wener 30ain Ionawr: Noson Gwisgo i Fyny ar Thema Disney!  👑

 

Dewch yn Llywydd Myfyrwyr

Allwn ni ddim credu ein bod ni’n dweud hyn yn barod, ond byddwn ni'n gofyn i fyfyrwyr gynnig eu hunain fel Llywyddion a Swyddogion ar gyfer 2026/27 yn fuan iawn.

Byddwn ni’n agor enwebiadau ym mis Chwefror, ond fyddwch chi ddim yn dechrau tan yr haf. Bydd mwy o fanylion yn cael eu rhannu'n fuan - gwiriwch eich mewnflwch am ein e-bost ynghylch Etholiadau Myfyrwyr.

 

Ychydig o Docynnau ar Ôl: Pantomeim Robin Hood yn Hippodrome Birmingham

Dim ond ychydig o docynnau sydd gennym ar ôl ar gyfer ein taith i Bantomeim Robin Hood yn Hippodrome Birmingham nos Fercher, 21ain Ionawr am 19:00.

Archebwch eich tocyn gyda ni, a chewch ostyngiad sylweddol (£12 y tocyn yn lle £20)
Prynwch eich tocyn trwy ein gwefan.