Cyfle i gyrraedd myfyrwyr trwy ddod yn stondinwr yn Ffair y Glas

Cysylltwch â myfyrwyr - ydych chi'n bwriadu tyfu eich busnes, cysylltu â chynulleidfaoedd newydd, a chynyddu ymwybyddiaeth o’ch brand? Ystyriwch ddod yn stondinwr yn ein Ffeiriau’r Glas lle cewch gyfle i gysylltu â myfyrwyr newydd a myfyrwyr sy'n dychwelyd i PCyDDS.

Ar gyfer busnesau o bob maint - p'un a ydych chi'n fusnes newydd, yn fusnes cenedlaethol, neu'n elusen, mae dod yn stondinwr yn un o'r ffyrdd mwyaf fforddiadwy o gael eich sylwi gan fyfyrwyr - gallwch gysylltu â nhw wyneb-yn-wyneb mewn lleoliad bywiog, lle mae yna nifer fawr o ymwelwyr.

Prisiau ar gyfer pob cyllideb - mae ein pecynnau stondinwyr wedi'u prisio'n gystadleuol ar gyfer busnesau o bob maint, o fusnesau newydd i frandiau cenedlaethol. Ac os ydych chi'n fusnes bach neu'n elusen sydd wedi'i lleoli’n agor i un o'n campysau, byddwch chi'n derbyn cyfraddau gostyngedig arbennig.

Dyddiad ar gyfer 2025 - Rydym yn derbyn archebion gan stondinwyr ar gyfer ein Ffeiriau’r Glas yng Nghaerfyrddin ac Abertawe - mae’r naill a’r llall yn cael eu cynnal ddydd Llun 22ain Medi 2025.

Oes gennych chi ddiddordeb mewn mynychu? Os oes gennych chi ddiddordeb mewn mynychu, llenwch ein ffurflen ymholiad a bydd aelod o'r tîm yn cysylltu'n ôl â chi. Mae croeso i chi gysylltu â ni yn union@uwtsd.ac.uk os oes gennych chi unrhyw gwestiynau. 

Gwnewch Eich Ymholiad

---

Dyddiadau Ffeiriau’r Glas

• Caerfyrddin
  
  Dydd Llun 22ain Medi 
  Adeilad Undeb y Myfyrwyr
• Abertawe
  
  Dydd Llun 22ain Medi 
  Canolfan Dylan Thomas

---

Pam archebu stondin?

Dau Leoliad Prysur

Eleni rydym yn cynnal ffeiriau ar gyfer myfyrwyr newydd ar ein campysau yng Nghaerfyrddin ac Abertawe.

Ymgysylltiad Uniongyrchol â Myfyrwyr

Does dim byd yn curo dod i adnabod rhywun wyneb-yn-wyneb - cewch rannu eich stori, meithrin teyrngarwch a chael adborth ar unwaith gan ein cymuned myfyrwyr.

Pris Fforddiadwy

Mae ein pecynnau wedi'u prisio'n gystadleuol ar gyfer busnesau o bob maint, o fusnesau newydd i frandiau cenedlaethol.

---

Beth Sy'n Gwneud hyn yn Werth-chweil?

1. Cyfle i gysylltu â channoedd o fyfyrwyr mewn un diwrnod
2. Cyfle i hybu ymwybyddiaeth o'ch brand
3. Cyfle i hyrwyddo gwasanaethau yn y fan a'r lle
4. Adeiladu eich rhestr ohebiaeth a'ch dilynwyr ar gyfryngau cymdeithasol
5. Cyfle i gysylltu â myfyrwyr PCyDDS

• 
• 
• 
• 
• 
• 
• 
• 
• 
• 
• 
• 

---

Awgrymiadau i Stondinwyr

P'un a ydych chi eisoes wedi archebu fel stondinwr neu'n ystyried cymryd rhan, rydym wedi llunio rhai awgrymiadau defnyddiol i wneud y gorau o'r diwrnod.

Pethau i ddod gyda chi 

• Deunyddiau hyrwyddo (taflenni, posteri, cardiau busnes).
• Rhoddion a nwyddau am ddim (mae myfyrwyr wrth eu bodd â phethau defnyddiol am ddim!). 
• Taflenni cofrestru neu dabled ar gyfer casglu manylion cyswllt.
• Lliain-bwrdd neu faner wedi'i brandio i wneud i'ch stondin sefyll allan. 
• Ceblau estyniad a gwefrwyr os ydych chi'n defnyddio dyfeisiau electronig - nodwch na allwn warantu pŵer ar gyfer pob stondin.
• Dewch â lluniaeth gyda chi.

Byddwch yn barod i dynnu sylw 

• Defnyddiwch liwiau beiddgar, arwyddion clir ac arddangosfeydd rhyngweithiol. 
• Ystyriwch ddefnyddio baneri i wneud eich stondin yn weladwy o bell. 

Byddwch yn gyfeillgar

• Cofiwch wenu a chyfarch y myfyrwyr wrth iddyn nhw gerdded heibio. 
• Dylech osgoi eistedd y tu ôl i'ch bwrdd - sefwch ac ymgysylltwch. 

Cynigiwch gymhellion

• Mae myfyrwyr wrth eu bodd â rhoddion am ddim - mae deunyddiau ysgrifennu â brand, bagiau tôt, byrbrydau, neu raffl lle gallwch ennill gwobrau’n gweithio'n dda. 
• Os ydych chi'n casglu manylion cyswllt, cynigiwch gymhelliant (e.e. “Cofrestrwch am gyfle i ennill!”) - gwnewch yn siŵr eich bod yn cydymffurfio â GDPR. 

Byddwch yn ddigidol, byddwch yn berthnasol

• Os ydych chi'n casglu cofrestriadau, defnyddiwch gôd QR ar gyfer dolenni cyfryngau cymdeithasol neu gofrestriadau ar gyfer rhestr ohebiaeth.
• Addaswch eich cyflwyniad i anghenion a diddordebau myfyrwyr. 
• Amlygwch fuddion fel gostyngiadau, cyfleoedd gyrfa, neu ddigwyddiadau hwyliog.