Mae eich Undeb Myfyrwyr yn fudiad dan arweiniad myfyrwyr, sy'n golygu mai chi sy'n penderfynu beth mae'r Undeb yn ei wneud, sut rydyn ni'n gweithio a’ch bod yn cael cyfle i lunio ein blaenoriaethau a'n hymagweddiad. Un o'r ffyrdd y gallwch chi wneud hyn yw trwy ein Cynghorau Myfyrwyr. Mae gennym gyngor myfyrwyr ar gyfer campysau Llambed, Caerfyrddin ac Abertawe, yn ogystal â Chyngor Undeb y Myfyrwyr sy'n cwmpasu'r cyfan. Gallwch ganfod mwy o wybodaeth ynglŷn â'r rhain isod.

Mae gan gampysau Caerfyrddin, Llambed ac Abertawe eu cynghorau myfyrwyr eu hunain. Mae'r rhain yn cynnwys ein myfyrwyr etholedig gwirfoddol (Swyddogion Rhan-amser), Swyddogion etholedig llawn-amser (Swyddogion Sabothol), cynrychiolwyr myfyrwyr o bob Athrofa a'n Myfyrwyr Ymddiriedolwyr etholedig. Caiff pob un o'r cyfarfodydd hyn ei gadeirio gan Swyddog Sabothol. Gall unrhyw fyfyriwr fynychu'r cyfarfodydd hyn ac awgrymu syniadau, polisïau a digwyddiadau ar gyfer eu campws. Maent hefyd yn gyfle i fyfyrwyr holi cwestiynau i'w cynrychiolwyr etholedig a chanfod mwy am faterion cyfoes a digwyddiadau sydd ar y gweill