Digwyddiad: Sesiwn Gwneud Mygydau
Ble: Cwtsh yr UM, Canolfan Dylan Thomas
Pryd: Dydd Iau 14eg Mai
Amser: 17:00 tan 19:00 

Mae Llywydd Caerdydd ac Abertawe, Rainna, yn dod i ddiwedd ei chyfnod yn y swydd yn Undeb y Myfyrwyr. 
Mae Rainna wedi cynnal ambell sesiwn Creu a Chymysgu gyda chi, pob un wedi'i chynllunio fel cyfle i ddod â myfyrwyr ynghyd, i rannu diwylliant, dathliadau a lledaenu ymwybyddiaeth. 
Ar gyfer ei sesiwn Creu a Chymysgu olaf yn Abertawe, bydd Rainna yn cynnal ei sesiwn i gefnogi Wythnos Ymwybyddiaeth Iechyd Meddwl.
Gyda Dawns yr Haf ar y gorwel, mae'r sesiwn greadigol hon yn ddihangfa berffaith lle gallwch chi gymdeithasu, ymlacio a rhoi cynnig ar rywbeth newydd. Bydd cyfle i chi addurno'ch mwgwd eich hun yn barod i'w wisgo yn Nawns Haf Abertawe, gan sicrhau bod eich delwedd ar gyfer y noson yn unigryw ac yn bersonol.

Mae'r sesiwn hefyd yn ymwneud â llesiant a hunanfynegiant. Weithiau pan fydd bywyd yn teimlo'n llethol, gall deimlo fel ein bod ni'n gwisgo mwgwd dim ond i allu ymdopi â heriau’r diwrnod. Mae hynny’n fecanwaith ymdopi digon cyffredin, ac rydym i gyd yn dangos gwahanol agweddau ohonom ein hunain mewn gwahanol sefyllfaoedd. Trwy’r gweithgaredd hwn, rydym am greu amgylchedd lle gall myfyrwyr ymlacio, cysylltu ag eraill, a dysgu am y cymorth llesiant ac atgyfeirio defnyddiol sydd ar gael os bydd ei angen arnoch chi byth.
Trwy addurno'ch mwgwd, gallwch droi'r syniad traddodiadol o fygydau’n rhywbeth cadarnhaol, gan greu mwgwd sy'n eich adlewyrchu chi, eich steil, a'ch personoliaeth. Pan fyddwch chi'n ei wisgo yn y ddawns, gall fod yn fodd i’ch atgoffa ei bod hi'n iawn gofyn am gefnogaeth pan fydd ei hangen arnoch chi, a'ch bod chi'n rhydd i fod yn chi'ch hun - gyda'r mwgwd neu hebddo.
 

Mae eich llesiant yn bwysig. Os oes angen cymorth arnoch, mae tîm Cynghori Undeb y Myfyrwyr yma i helpu - ewch i’r dudalen Cynghori i ddysgu mwy am y gefnogaeth sydd ar gael.
Gallwch hefyd gysylltu â thîm HWB y Brifysgol neu edrych ar y dudalen Gwasanaethau Myfyrwyr. Os ydych chi'n poeni amdanoch chi'ch hun neu am rywun arall, cofiwch y gallwch chi gyflwyno Ffurflen Achos Poeni i ofyn am gymorth.