Disgrifiad

Trowch angerdd yn weithredu! Rydym yn credu ym mhŵer myfyrwyr i drawsnewid pethau er gwell. Ymunwch â'n rhwydwaith gwirfoddoli myfyrwyr a darganfyddwch ffyrdd ystyrlon o gefnogi achosion sy'n bwysig i chi, yn eich ardal leol.

Sut Mae'n Gweithio

Pan fyddwch chi'n cofrestru, byddwch chi'n dod yn rhan o rwydwaith o bobl sy'n awyddus i wneud pethau'n well. Dywedwch wrthym ar ba gampws rydych chi'n astudio, a byddwn ni'n rhoi gwybod i chi am gyfleoedd gwirfoddoli yn yr ardal - o ddigwyddiadau untro i brosiectau parhaus sydd angen eich sgiliau unigryw a'ch brwdfrydedd.

Yr Hyn a Gewch

1. Cyfleoedd wedi'u Teilwra
   Dewch o hyd i achosion sy'n agos atoch chi sydd angen eich help
2. Cysylltiadau ar y Campws
   Mae’n gyfle i gwrdd a ffurfio cysylltiadau â myfyrwyr o'r un anian â chi
3. Cylchlythyr bob Tymor
   Yn llawn cyfleoedd newydd, sbotolau ar weithgareddau, a straeon am effaith

---

Pam Ymuno?

Cysylltiadau ystyrlon y tu hwnt i'r darlithoedd - cewch gwrdd â chyd-fyfyrwyr sy'n rhannu eich gwerthoedd, cysylltu ag aelodau'r gymuned y bydd eu straeon yn eich ysbrydoli, ac adeiladu perthnasoedd a allai bara oes. Mae gwirfoddoli yn agor drysau i gyfeillgarwch na fyddech chi byth yn ei ddisgwyl.

Gall ffitio o amgylch eich bywyd fel myfyriwr -  p'un a oes gennych chi brynhawn rhydd, penwythnos i'w sbario, neu os ydych chi eisiau ymrwymo i rywbeth tymor hwy, mae yna gyfle bob amser sy'n gweithio gyda'ch amserlen. Chi sy'n dewis faint y gallwch chi ei gynnig.

Byddwch yn cael teimlad o foddhad anhygoel o wneud gwahaniaeth - Does dim byd tebyg i'r teimlad o wybod eich bod chi wedi helpu rhywun yn wirioneddol neu wedi cyfrannu at achos mwy na chi'ch hun.

---

Sut i Ymuno

Ydych chi’n barod i ddechrau? Cofrestrwch heddiw a dewch yn rhan o'n cymuned. Tapiwch y botwm porffor "ymuno â'r grŵp hwn" a nodwch eich campws yn ystod cofrestru, a byddwn yn eich cysylltu â chyfleoedd yn eich ardal.

Oes gennych chi gwestiynau? Mae gennym ni atebion - anfonwch e-bost atom yn suopportunitities@uwtsd.ac.uk a bydd aelod o'r tîm yn cysylltu'n ôl â chi.