Dydd Gwener 19-09-2025 - 12:30

Mae symud i'r brifysgol yn brofiad cyffrous, ond gall deimlo ychydig yn llethol. Gall fod yn heriol dod o hyd i'ch ffordd o gwmpas rhywle newydd, sut i gael mynediad at wasanaethau lleol, a darganfod beth sy'n digwydd ar y campws. I'ch helpu i ymgartrefu, rydym wedi llunio rhestr ddefnyddiol o wefannau lle gallwch ddarganfod popeth o wasanaethau hanfodol a mannau poblogaidd lleol, i wasanaethau myfyrwyr, a mwy. Ewch ati i ddechrau gwneud i'ch lleoliad newydd deimlo fel cartref!

Pethau i Ddod Gyda Chi i'r Brifysgol

Mae'r rhestr hon yn amlinellu rhai o'r pethau allweddol y gallech fod eisiau dod gyda chi i'r brifysgol - yn amlwg, gall hyn amrywio yn dibynnu ar ble rydych chi'n symud iddo, a'r hyn sy'n cael ei ddarparu (a'r hyn nad yw'n cael ei ddarparu) ar eich cyfer. 

Ar gyfer eich Ystafell Wely

• Duvet, dillad gwely, gobennydd
• Gliniadur A gwefrydd
• Addurniadau, lluniau a phosteri
• Dogfennau pwysig - fel eich ID neu basbort, a'ch cardiau banc
• Deunydd ysgrifennu a llyfrau
• Bag cefn, bagiau, cês dillad
• Dillad, esgidiau, a chambren hongian dillad
• Aerydd dillad a basged ar gyfer dillad i’w golchi

 

Ar gyfer eich Ystafell Ymolchi

• Pethau ymolchi fel siampŵ, cyflyrydd a gel cawod
• Brws dannedd a phast dannedd
• Sebon dwylo
• Offer glanhau toiled, cannydd, brwsh toiled
• Tywelion a thywelion llaw
• Papur tŷ bach
• Bag ymolchi
• Gŵn-nos a sliperi os ydych chi'n rhannu ystafell ymolchi

 

Ar gyfer eich Cegin

• Mygiau a gwydrau
• Sosbenni
• Cyllyll, ffyrc a llwyau, bwrdd torri ac offer pobi
• Platiau a phowlenni
• Bagiau bin, bagiau brechdanau, ffoil, a ffilm glynu
• Llieiniau sychu llestri
• Tupperware ar gyfer storio unrhyw fwyd dros ben

---

Gofal iechyd

Wrth symud i rywle newydd, mae'n bwysig eich bod chi'n gwybod am eich gwasanaethau iechyd lleol a chofrestru gyda meddyg teulu lleol. Mae gan GIG Cymru a GIG Lloegr adnoddau ar-lein gwych i'ch helpu i ddod o hyd i wasanaethau yn eich ardal; o ddeintyddion i feddygon teulu, fferyllfeydd i glinigau iechyd rhywiol, ysbytai a gofal cymdeithasol.

Cymru: www.111.wales.nhs.uk/localservices

Lloegr: www.nhs.uk/nhs-services/services-near-you

Cofiwch, gallwch gael condomau, cynhyrchion hylendid a misglwyf am ddim o’n canolfannau dewis a dethol ar y campws. 

---

Teithio

Rydyn ni wedi llunio rhestr o wefannau defnyddiol iawn i'ch helpu chi i ddod o hyd i'ch ffordd o gwmpas y lle, waeth sut rydych chi'n dewis teithio.

Cynlluniwr Teithiau Prifysgol (Cymru)

Gwefan Traveline Cymru

Gwefan Trafnidiaeth Cymru

Gwybodaeth am drafnidiaeth gan Gyngor Dinas Birmingham

Gwybodaeth am drafnidiaeth gan Gyngor Caerdydd

Gwefan Trafnidiaeth Llundain

Gwybodaeth am Drafnidiaeth - Ymweld â Bae Abertawe
 

---

Pethau i'w Gwneud

Ar ôl wythnos o ddarlithoedd, mae'n amser ymlacio a gorffwys! Isod mae rhai lleoedd i siopa, cael tamaid o fwyd, a threulio amser gyda ffrindiau

Caerdydd

Gallwch fwrw golwg ar Ymweld â Chaerdydd am restr o leoedd i siopa a bwyta, a phethau i'w gwneud yng Nghaerdydd.

Ein Hargymhelliad: Mae Heol y Frenhines yng Nghaerdydd yn llawn siopau unigryw a lleoedd i gael tamaid i'w fwyta yn ystod eich egwyl ginio neu i dreulio amser gyda'ch ffrindiau ar ddiwedd y dydd! Ac nid nepell o Heol y Frenhines mae Castell eiconig Caerdydd. Wedi'i leoli yng nghanol y ddinas, gallwch ymweld ag un o atyniadau treftadaeth mwyaf blaenllaw Cymru a safle o arwyddocâd rhyngwladol.

Caerfyrddin

Mae Cyngor Caerfyrddin wedi llunio rhestr o bethau sydd angen i chi eu gwybod am fyw yng Nghaerfyrddin yma, gan gynnwys lleoedd i siopa, bwyta, a phethau i'w gwneud - https://www.darganfodsirgar.com/pethau-iw-gwneud/

Ein Hargymhelliad: Ymwelwch â thirnod lleol - mae Castell Caerfyrddin wedi’i leoli yng nghanol y dref! Mae llawer o siopau a chaffis hefyd yn yr ardal hon, sy'n eich galluogi i gael bwyd pan fyddwch chi’n ymweld â’r castell. Nid yw Canolfan Siopa Rhodfa Santes Catrin ymhell o Gastell Caerfyrddin chwaith. Gallwch wylio'r ffilmiau diweddaraf yn Vue Cinema, ac mae yna fwytai a siopau y gallwch ymweld â nhw hefyd.

Abertawe

Mae gan Fwrdd Twristiaeth Abertawe wefan lle gallwch chi ddod o hyd i leoedd i siopa, bwyta, a gweld beth sy'n digwydd o gwmpas Abertawe - www.croesobaeabertawe.com/pethau-iw-gwneud/

Ein Hargymhelliad: Mae Abertawe yn ddinas brysur gyda phrofiadau newydd yn llechu o amgylch pob cornel. Ewch am dro trwy ganol y ddinas a darganfyddwch Farchnad Abertawe - y farchnad dan-do fwyaf yng Nghymru! Gallwch ddod o hyd i lawer o fusnesau a bwytai lleol y tu mewn i’r Farchnad. Ac nid nepell o ganol y ddinas mae Traeth a Marina Abertawe, y lle perffaith i fynd am dro a mwynhau golygfa o'r Mwmbwls (lleoliad antur penwythnos gwych arall) o'r traeth.

Birmingham

Mae Bwrdd Twristiaeth Birmingham wedi llunio rhestr o leoedd i siopa, bwyta ac archwilio yn Birmingham a Gorllewin Canolbarth Lloegr - www.visitbirmingham.com

Ein Hargymhelliad: Mae'r Bullring a'r Grand Central yng nghanol dinas Birmingham. Yma gallwch ddod o hyd i lawer o siopau a bwytai i'w harchwilio a'u darganfod. A gerllaw campws Birmingham, gallwch ymweld â'r Ganolfan Genedlaethol eiconig Bywyd Môr, yn ogystal â Chanolfan Darganfod LEGOLAND a Siop LEGO! Lleoliadau perffaith i chi ymlacio a mwynhau eich hun gyda'ch ffrindiau a'ch teulu!

Llundain

Mae gan Fwrdd Twristiaeth Llundain wefan ble gallwch chi ddod o hyd i leoedd i siopa, bwyta, a gweld beth sy'n digwydd o gwmpas Dinas Llundain - www.visitlondon.com/things-to-do

Ein Hargymhelliad: Ger Campws Llundain mae Sgwâr Cabot yn Canary Wharf, lle gallwch ddod o hyd i lwyth o fwytai yn ogystal â siopau; mae yna hefyd drac Gwib-Gartio dan-do. Ac o amgylch y gornel o'r campws mae Promenâd Canary Wharf, lle byddwch chi'n dod ar draws bwytai wrth i chi gerdded i fyny ac i lawr Afon Tafwys gan fwynhau golygfeydd anhygoel o Ganol Llundain!

---

Disgownt i Fyfyrwyr

Gwnewch yn siŵr eich bod yn manteisio i'r eithaf ar eich gostyngiadau myfyrwyr trwy lawrlwytho apiau fel TOTUM, UniDays a Student Beans i weld beth sydd ar gael i chi!

---

Eich Undeb Myfyrwyr

Swyddfeydd a Desgiau

Our offices and on-campus desks are open 09:00 - 17:00, Monday to Friday. Here are their addresses and locations on What Three Words.

• Birmingham
  Quay Place
  Louisa House
  Birmingham
  B1 2RA
  ///terms.frosted.quarrel
• Caerdydd
  Tŷ Haywood (Gogledd)
  Plas Dumfries
  Caerdydd 
  CF10 3GA
  ///bounty.clubs.status
• Caerfyrddin
  PCyDDS
  Heol y Coleg
  Caerfyrddin 
  SA31 3EP
  ///inches.fields.tribe
• Llundain
  1 Westferry Circus
  London
  E14 4HA
  ///luck.other.cloud
• Abertawe
  Canolfan Dylan Thomas 
  Plas Somerset 
  Abertawe 
  ///lucky.pots.modest

 

Ein Lleoliadau

• Mae Gofod Cymdeithasol Y Llofft a Bar Myfyrwyr Y Llofft wedi'u lleoli ar y llawr cyntaf yn ein hadeilad yng Nghaerfyrddin. Mae'r gofod cymdeithasol ar agor 09:00 - 17:00, o ddydd Llun i ddydd Gwener, ac mae Bar y Myfyrwyr ar agor 20:00 - 23:30, nos Lun, nos Fercher, a nos Wener.
• Mae'r Clwb Clwb wedi'i leoli ar y llawr gwaelod ac mae ar agor ar gyfer digwyddiadau yn unig.

---

Cwestiynau ac Awgrymiadau

Ydyn ni wedi methu rhywbeth; oes gennych chi gwestiwn neu awgrym? Rhowch wybod i ni yn  union@uwtsd.ac.uk.