Gall ein clybiau a chymdeithasau gael effaith gadarnhaol enfawr ar eich profiad fel myfyriwr. Maen nhw'n dod â bywyd i'r campws, yn caniatáu i chi gwrdd â phobl anhygoel, ac yn darparu cydbwysedd i'ch holl waith academaidd.
Ar ddiwedd pob blwyddyn, mae rhai o'n grwpiau'n methu ag ethol pwyllgor. Mae'r grwpiau hyn yn cael eu symud i'n rhaglen Arwain Grŵp. Maen nhw fel arfer yn barod i fynd - yn aml ag arian yn eu cyfrifon, y rhan fwyaf o'r gwaith papur yn ei le, ac yn barod i fyfyrwyr ddod draw i'w casglu.
Gallwch adfywio un o'n clybiau a chymdeithasau Arwain Grŵp a chael mantais (gan fod llawer o'r gwaith paratoi eisoes wedi'i wneud i chi).
Y cyfan sydd angen i chi ei wneud yw dod o hyd i grŵp yr hoffech ei arwain o'r rhestr isod a llenwi'r ffurflen gais. Ac os oes yna fyfyrwyr eraill hefyd wedi mynegi diddordeb yn yr un grŵp, byddwn yn eich rhoi mewn cysylltiad â nhw i helpu i symud pethau ymlaen.
Dewch o hyd i grŵp, llenwch y ffurflen...
- Cymdeithas Badminton
- Cymdeithas Bandiau a Cherddoriaeth
- Y Gymdeithas Fusnes
- Cymdeithas Diwylliant Tsieineaidd
- Y Gymdeithas Ddadlau
- Cymdeithas Ffilm a Chynhyrchu
- Pump-bob-ochr i Bawb
- Cymdeithas Ddawns 'Impact'
- Y Gymdeithas LHDTC+
- Cymdeithas Gerddoriaeth
- Gweithgareddau Awyr Agored
- Cymdeithas y Celfyddydau Perfformio
- Y Gymdeithas Ffotograffiaeth
- Ffitrwydd Polyn
- Y Gymdeithas Seicoleg
- Cymdeithas yr Amgylchedd
- Chwaraeon Eira PCyDDS
- Cymdeithas Golff PCyDDS
- Cymdeithas Drymio Gorllewin Affrica
Ffurflen Gais
Unwaith i chi ddod o hyd i grŵp yr hoffech ei arwain, cwblhewch ein ffurflen gais ar-lein a darparwch asesiad risg a rhagolwg cyllideb wedi'i gwblhau. Os oes angen unrhyw help arnoch, cysylltwch â'n tîm yn su.opps@uwtsd.ac.uk.
Beth sy'n digwydd nesaf?
1. Cwrdd â'ch Cydlynydd Cyfleoedd Myfyrwyr...
Unwaith y byddwn yn derbyn eich cais, bydd un o'n Cydlynwyr Cyfleoedd Myfyrwyr yn cysylltu â chi ac yn trafod unrhyw wybodaeth ychwanegol sydd ei hangen. Unwaith y bydd popeth yn barod, bydd eich ffurflen gais yn cael ei chyflwyno i'n Pwyllgor Gwaith (sy'n cymeradwyo ein holl glybiau a chymdeithasau). Unwaith y caiff ei chymeradwyo, bydd eich Cydlynydd Cyfleoedd Myfyrwyr yn trefnu cyfarfod â chi i drafod y camau nesaf.
2. Cwblhau eich dogfennau craidd...
Os caiff eich clwb neu gymdeithas eu cymeradwyo, bydd angen i chi gwblhau'r dogfennau craidd canlynol:
- Cyfansoddiad (llyfr rheolau swyddogol y grŵp)
- Asesiad Risg ar gyfer gweithgaredd rheolaidd/cyffredinol
- Rhagolwg Cyllidebol (cynllun ariannol a ragwelir)
Peidiwch â phoeni, mae eich Cydlynydd Cyfleoedd Myfyrwyr yn gwybod yn iawn sut i ddelio â’r rhain, ac oherwydd bod y grŵp rydych chi ar fin ei arwain eisoes yn bodoli, gallech chi ddefnyddio rhywfaint o'r wybodaeth sydd eisoes ar gael.
3. Hyrwyddo, hyrwyddo, hyrwyddo...
Unwaith y byddwch chi wedi cael trefn ar eich dogfennau craidd a bod eich aelodaeth wedi'i sefydlu, mae eich grŵp yn barod i fynd ati. Bydd eich Cydlynydd Cyfleoedd Myfyrwyr yn eich dysgu beth i'w wneud a beth i beidio â'i wneud trwy hyfforddiant (rydym yn addo ceisio gwneud hyn yn gyflym, yn hwyl ac yn ddiboen). Ac yna gallwch chi ddechrau cynllunio gweithgareddau, digwyddiadau, cyfarfodydd cymdeithasol ac yn y blaen!
Undeb Myfyrwyr PCyDDS yw’r elusen sydd yma i helpu myfyrwyr PCyDDS i wneud y gorau o’u hamser yn y brifysgol drwy, gynnig cyngor, cynrychiolaeth, cyfleoedd a digwyddiadau.
Ein Swyddfeydd
Gwybodaeth Ddefnyddiol
Mae Undeb Myfyrwyr PCyDDS yn enw brand sy’n perthyn i Undeb Myfyrwyr y Drindod Dewi Sant • © Undeb Myfyrwyr Drindod Dewi Sant, Cedwir Pob Hawl. Rhif Elusen Gofrestredig yng Nghymru a Lloegr: 1157951. Cwmni Cyfyngedig dan warant: 09103924
Mae Undeb Myfyrwyr PCyDDS yn aelod o Undeb Cenedlaethol y Myfyrwyr (UCM), Elusen UCM a Chymdeithas Chwaraeon Prifysgolion a Cholegau Prydain (BUCS). Dysgwch fwy ar ein tudalen we ymaelodaethau.
