Ddechrau Clwb neu Cymdeithas
Rydym wrth ein bodd eich bod â diddordeb mewn sefydlu clwb neu gymdeithas swyddogol newydd yn PCyDDS. Mae'r broses yn syml, gydag ychydig o gerrig-milltir ar hyd y ffordd. Dilynwch y canllawiau isod i ddechrau eich cais. Os oes gennych chi unrhyw gwestiynau neu os ydych chi eisiau rhywfaint o help, mae croeso i chi gysylltu â'n tîm Cyfleoedd yn su.opps@uwtsd.ac.uk, lle bydd aelod o'r tîm yn cysylltu â chi cyn gynted â phosibl.
1. Lawrlwytho a chwblhau’r ffurflenni
Er mwyn sefydlu'ch grŵp, bydd angen i chi lenwi dwy ffurflen - ein Pecyn Grŵp Myfyrwyr Newydd a'n Rhagolygon Cyllidol y Grŵp. Bydd y dogfennau hyn yn gofyn cwestiynau am eich grŵp a'i ragolygon cyllidol - gwnewch yn siŵr eich bod yn llenwi'r dogfennau hyn yn ofalus.
2. Cyflwyno'ch ffurflenni a chael adborth
Unwaith y byddwch wedi cwblhau'r dogfennau hyn, e-bostiwch nhw at su.opps@uwtsd.ac.uk. Bydd un o'n Cydlynwyr Cyfleoedd Myfyrwyr yn eu hadolygu, yn rhoi adborth i chi, ac yn trefnu cyfarfod. Yn ystod y cyfarfod hwn, byddwn yn trafod eich syniadau a'ch cynlluniau. Mae hwn yn gyfle gwych i chi ofyn cwestiynau ac elwa o arbenigedd y Tîm Cyfleoedd.
3. Diweddaru eich ffurflenni / adolygiad y Pwyllgor Gwaith
Byddwch yn cael cyfle i ddiweddaru a diwygio eich dogfennau cyn iddynt fynd gerbron ein Pwyllgor Gwaith - sy'n cynnwys Swyddogion Sabothol yr Undeb ac Uwch Reolwyr. Maent yn cyfarfod unwaith y mis ac yn goruchwylio creu clybiau neu gymdeithasau newydd. Byddant yn gwneud yn siŵr:
- Nad yw eich grŵp yn cynnig yr un peth â chlwb neu gymdeithas sy'n bodoli eisoes.
- Nad yw eich grŵp yn peri risg i enw da’r Undeb a'r gymuned ehangach
- Bod prif amcanion eich grŵp er budd myfyrwyr PCyDDS
Bydd y Pwyllgor Gwaith yn penderfynu ar eich cynnig, a bydd eich Cydlynwyr Cyfleoedd Myfyrwyr yn eich hysbysu o'r canlyniad o fewn 14 diwrnod gwaith i'r adolygiad.
4. Camau nesaf
Os caiff ei gymeradwyo, bydd eich Cydlynydd Cyfleoedd Myfyrwyr yn trafod y camau nesaf, sy'n cynnwys creu tudalen we, cyfrif ariannol, archebu cyfleusterau, a mwy. Eich cyfrifoldeb chi wedyn yw hyrwyddo'ch tudalen er mwyn ennyn diddordeb myfyrwyr a thyfu eich aelodaeth.
Undeb Myfyrwyr PCyDDS yw’r elusen sydd yma i helpu myfyrwyr PCyDDS i wneud y gorau o’u hamser yn y brifysgol drwy, gynnig cyngor, cynrychiolaeth, cyfleoedd a digwyddiadau.
Ein Swyddfeydd
Gwybodaeth Ddefnyddiol
Mae Undeb Myfyrwyr PCyDDS yn enw brand sy’n perthyn i Undeb Myfyrwyr y Drindod Dewi Sant • © Undeb Myfyrwyr Drindod Dewi Sant, Cedwir Pob Hawl. Rhif Elusen Gofrestredig yng Nghymru a Lloegr: 1157951. Cwmni Cyfyngedig dan warant: 09103924
Mae Undeb Myfyrwyr PCyDDS yn aelod o Undeb Cenedlaethol y Myfyrwyr (UCM), Elusen UCM a Chymdeithas Chwaraeon Prifysgolion a Cholegau Prydain (BUCS). Dysgwch fwy ar ein tudalen we ymaelodaethau.
