Mae trosglwyddo’r awenau’n digwydd pan fo pwyllgor unrhyw grŵp sy'n dod i ddiwedd ei gyfnod yn paratoi aelodau’r pwyllgor newydd i ymgymryd â'u rôl. 

Cyfrifoldeb y pwyllgor sy'n dod i ddiwedd ei gyfnod yw penderfynu sut y caiff y trosglwyddo ei gynnal. Rydym yn argymell eich bod yn dechrau drwy ddefnyddio ein templed i greu dogfen drosglwyddo ysgrifenedig.

Dylech hefyd feddwl am:

• Cael aelodau’r pwyllgor newydd yn cysgodi'r tîm sy'n gadael. 
• Trefnu cyfarfod un-i-un gyda'r person yn cymryd drosodd gennych chi. 
• Trefnu digwyddiad cymdeithasol ar gyfer y ddau bwyllgor. 
• Cyflwyno aelodau newydd i unigolion allweddol e.e. Staff yr UM

Lawrlwythwch y templed ar gyfer y ddogfen Drosglwyddo
 

Pethau i'w Gwneud a Phethau i’w Hosgoi wrth Drosglwyddo’r Awenau. 

• Peidiwch â gadael hyn tan y funud olaf. Treuliwch amser yn cynllunio'ch trosglwyddiad. 
• Byddwch yn barod i addasu. Dylai cyfranogiad presennol a lefel profiad eich olynydd benderfynu pa mor fanwl y dylai'r broses drosglwyddo fod. 
• Peidiwch â diflannu unwaith y bydd y broses wedi dod i ben. Gwnewch yn siŵr eich bod yn rhannu eich manylion cysylltu rhag ofn y bydd unrhyw gwestiynau'n codi. 
• Rhowch gyfle iddyn nhw fwrw ati. Gallwch ddisgwyl i'ch olynydd wneud newidiadau nad ydych chi o bosib yn eu cymeradwyo; peidiwch ag ymyrryd a gadewch iddyn nhw fwrw ymlaen â’u gwaith. 
• Peidiwch â mynd i banig. Gall trosglwyddo’r awenau beri straen, ond gyda chynllunio da ac ychydig o amynedd bydd popeth yn iawn.
• Peidiwch â bod ofn gofyn am gymorth os ydych ei angen Mae staff yr UM wrth law i’ch helpu drwy’r broses drosglwyddo; byddai'n well gennym eich helpu i drosglwyddo'n effeithiol na bod â phwyllgor gwaith newydd sydd heb baratoi’n iawn.