Dewch yn Gynrychiolydd Llais Myfyrwyr

• Cyfle i Wella Bywyd Myfyrwyr
• Bwrsariaeth o £450

Rydym yn recriwtio Cynrychiolwyr Llais Myfyrwyr ar gyfer y flwyddyn academaidd 2026/27 i helpu â llunio bywyd myfyrwyr yn y Drindod Dewi Sant drwy gasglu adborth a gweithio gyda ni i sicrhau bod barn myfyrwyr yn cael ei chlywed ar lefelau uchaf y brifysgol.

Mae Cynrychiolwyr Llais Myfyrwyr yn derbyn bwrsariaeth o £450 am eu gwaith. Mae ceisiadau bellach ar agor a byddant yn cau am 17:00 ddydd Gwener, 30ain Ionawr 2026. 

Mae Cynrychiolwyr Llais Myfyrwyr yn alinio ag athrofeydd y brifysgol. Fel myfyriwr, mae eich cwrs yn perthyn i un o'r athrofeydd hyn, a dyna'r rôl Cynrychiolydd Llais Myfyrwyr y gallwch chi wneud cais amdani. Peidiwch â phoeni os ydych chi'n ansicr i ba athrofa mae eich cwrs yn perthyn - mae gennym ni declyn chwilio defnyddiol isod. Teipiwch deitl eich cwrs i mewn, a byddwn ni'n dod o hyd i’r ateb i chi.
 

Pam dod yn Gynrychiolydd Llais Myfyrwyr?

• Mae’n gyfle i greu newid: Gallwch eirioli dros fyfyrwyr, gan sicrhau bod eu syniadau a’u pryderon yn cael eu clywed ar y lefelau uchaf.
• Cysylltu a Chydweithio: Byddwch yn gweithio'n agos gyda Chynrychiolwyr Cwrs ac Undeb y Myfyrwyr i gasglu mewnwelediadau ac arwain mentrau sy'n cyfoethogi bywyd myfyrwyr y tu mewn a'r tu allan i'r ddarlithfa.
• Gwobrwyo a Chydnabyddiaeth: Byddwch yn derbyn bwrsariaeth o £450 i gydnabod eich ymroddiad, ynghyd â thystlythyrau amhrisiadwy i wella’ch rhagolygon ar gyfer gyrfa yn y dyfodol.

Pwy Ddylai Ymgeisio?

• Rydych chi'n angerddol am greu effaith gadarnhaol a sicrhau profiad gwych i bob myfyriwr.
• Rydych chi’n croesawu heriau ac yn awyddus i ymwneud â myfyrwyr o bob math o gefndir.
• Rydych chi'n awyddus i ddatblygu sgiliau hanfodol mewn cyfathrebu, trefnu ac arweinyddiaeth - nodweddion allweddol ar gyfer unrhyw amgylchedd proffesiynol.
• Rydych chi wedi ymrwymo i wneud cyfraniad sylweddol i gymuned y brifysgol.

Swyddi Ar Gael

Athrofa Rheolaeth ac Iechyd (IMH) 

1. Busnes (IMH)
2. Chwaraeon a Byw'n Iach
3. Ysgol y Gyfraith Abertawe
4. Iechyd a Gofal Cymdeithasol
5. Lletygarwch a Thwristiaeth

Athrofa Gwyddoniaeth a Chelf Cymru (WISA)

1. Cyfrifiadureg Gymhwysol
2. Peirianneg, Gweithgynhyrchu a Modurol
3. Diwydiannau Dylunio a Pherfformio
4. Pensaernïaeth, Adeiladu, a'r Amgylchedd
5. Celf a'r Cyfryngau

Athrofa Addysg a Dyniaethau (IEH)

1. Seicoleg a Chwnsela
2. Addysg
3. Dyniaethau a Gwyddorau Cymdeithasol
4. Plentyndod, Ieuenctid ac Addysg

 

Ymgeisiwch Nawr