Y Botwm 'Ewch â Fi Adref'
Cliciwch y botwm hwn os oes angen i chi adael y dudalen hon yn gyflym - cewch eich ailgyfeirio i'n hafan.
Rydyn ni am i chi deimlo'n ddiogel, heb ofni cael eich cyfeiriadedd rhywiol wedi’i ddatgelu oherwydd unrhyw beth sydd ar y sgrin. Bydd y dudalen hon yn dal i ddangos yn eich hanes pori - gwnewch yn siŵr eich bod chi'n ei chlirio.
Dyma gornel fwyaf lliwgar ein gwefan, y dudalen LHDTC+. Rydyn ni wedi creu'r dudalen hon i chi archwilio adnoddau cydnaws-â-chwïar, cael gafael ar gymorth, ar y campws ac oddi arno, a dysgu ychydig mwy am y gymuned LHDTC+.
Gallwch ddod o hyd i'r cyngor sydd ei angen arnoch yn gyflym ac yn hawdd.
Mae'r daith o ddarganfod eich hunaniaeth yn unigryw, ond nid yw’n un y mae'n rhaid i chi ei gwneud ar eich pen eich hun. Isod mae rhai adnoddau gwych i'ch helpu chi i ddod i delerau â'ch teimladau, deall termau newydd, a sut i 'ddod allan' i'r bobl hynny sy’n bwysig i chi.
Trawsrywiol, Afrywiol, Traws, Deurywiol - gall fod yn anodd deall yr holl labeli! Efallai y byddwch chi'n dod ar draws termau nad ydych chi wedi'u clywed o'r blaen, neu ddim yn gwybod sut i labelu eich teimladau. Mae Stonewall wedi llunio rhestr ddefnyddiol iawn o dermau sy'n ymwneud â hunaniaeth.
Mae dod allan yn benderfyniad personol iawn - chi sydd i benderfynu pwy rydych chi'n dod allan iddyn nhw, a hyd yn oed p'un a ydych chi'n dod allan o gwbl. Os ydych chi wedi bod yn ystyried dod allan, mae'n bwysig dod o hyd i ffordd sy'n teimlo'n iawn i chi.
Mae'r adran hon yn darparu cyngor defnyddiol i bobl sy'n diffinio fel traws, anneuaidd neu'n rhyweddol-amrywiol. Hunaniaeth ryweddol yw ymdeimlad mewnol, personol unigolyn o fod. Trawsryweddol, neu Draws yn fyr, yw'r term a ddefnyddir i ddisgrifio rhywun y mae eu hunaniaeth ryweddol yn wahanol i'r rhyw a aseiniwyd iddynt adeg eu geni. Mae anneuaidd yn derm ymbarél ar gyfer pobl nad yw eu hunaniaeth ryweddol yn ffitio’n daclus i’r categori ‘dyn’ neu ‘ddynes’. A rhyweddol-amrywiol yw'r term a ddefnyddir i ddisgrifio rhywun nad oes ganddynt rywedd sefydlog.
Mae anghenion iechyd cyffredinol pobl draws ac anneuaidd yr un fath ag anghenion unrhyw un arall. Ond mae’n bosib bod gan bobl draws ofynion iechyd ychwanegol. Mae'r GIG yma i helpu â sicrhau eich bod chi'n cael y gofal sydd ei angen arnoch chi.
Nid oes rhaid i chi ddilyn proses gyfreithiol i ddechrau defnyddio enw newydd. Ond efallai y bydd angen 'gweithred newid enw' arnoch chi i wneud cais am, neu newid, dogfennau swyddogol fel eich pasbort neu'ch trwydded yrru.
Gall myfyrwyr ddiweddaru eu henw (a dileu eu henw marw) ar eu dogfennau adnabyddiaeth myfyrwyr yn PCyDDS am ddim. Meddai Jennifer Sargisson, Swyddog Hunaniaeth Rhywedd ar gyfer Abertawe: 'Mae'n un peth llai i dalu amdano yn ystod y broses gostus o drawsnewid, ac mae’n rhoi dilysrwydd i chi pan gewch chi ID gyda'ch enw arno.'
Mae Mermaids yn elusen sy'n darparu cymorth, cyngor ac arweiniad i bobl draws, anneuaidd a rhywedd-amrywiol a'u teuluoedd. Mae ganddyn nhw hyd yn oed adnodd yn benodol ar gyfer myfyrwyr 18 - 25 oed.
Gall dynion traws a phobl anneuaidd ddewis defnyddio offer rhwymo i newid eu golwg. Mae yna bethau i'w gwneud a phethau i’w hosgoi wrth rwymo'n ddiogel, ac mae'r bobl yn PinkNews wedi llunio fideo sy’n esbonio hyn.
Gall profiadau pobl LHDTC+ fod yn heriol; dyna pam mae'n bwysig defnyddio cefnogaeth eich cymunedau. Dyma rai grwpiau a all gynnig cyngor a chefnogaeth i chi.
Mae gan eich Undeb Myfyrwyr Grŵp Rhyddhad LHDTC+ ar gyfer aelodau’r gymuned a’u cefnogwyr. Mae’n rhwydwaith dan arweiniad myfyrwyr, ac yn lle diogel i aelodau rannu eu profiadau, sefydlu cyfeillgarwch a chynllunio ymgyrchoedd.
Dyma nhw ein Swyddogion Rhan-amser, a etholwyd gan fyfyrwyr ar gyfer y gymuned LHDTC+.
Mae gan yr Undeb gymdeithasau LHDTC+ dan arweiniad myfyrwyr. Mae'r grwpiau cymdeithasol hyn yn ffordd wych o gwrdd ag aelodau o'r gymuned. Mae gennym gymdeithasau LHDTC+ ar ein campysau yng Nghaerfyrddin, Llambed ac Abertawe.
Mae Teulu’r Enfys Affricanaidd yn darparu cymorth i bobl LHDTC+ o dras Affricanaidd, gan gynnwys Ffoaduriaid a Grwpiau Ethnig Lleiafrifol Croenddu ac Asiaidd ehangach.
Balchder Croenddu yw’r dathliad mwyaf yn Ewrop ar gyfer pobl LHDTC+ o dras Affricanaidd, Asiaidd, Caribïaidd neu o’r Dwyrain Canol neu America Ladin.
Mae LGBTI Asiaidd Prydain yn darparu cymorth i’r gymuned LHDTC+ sy’n wreiddiol o Dde Asia.
Yn darparu cyngor a chefnogaeth i aelodau cymuned LHDT+ De Asia.
Mae Glitter Cymru yn grŵp cymorth cymdeithasol adnabyddus ar gyfer y gymuned Leiafrifol Ethnig LHDTC+ yng Nghymru a'r ardaloedd cyfagos.
Mae Open Minds yn rhan o Taraki, sy’n mynd ati i gyd-greu lleoedd mwy diogel i bobl Punjabi LHDTC+ a'u cefnogwyr.
Mae Hidayah yn fudiad seciwlar sy'n darparu cymorth arbenigol ar gyfer anghenion Mwslimiaid LHDTC+.
Gyda phwy bynnag rydych chi'n cael rhyw, mae'n bwysig cymryd camau i amddiffyn eich hun ac unrhyw bartner(iaid) a allai fod gennych. Dyma rai adnoddau i'ch helpu chi i gael rhyw gwych (a diogel).
Mae Ymddiriedolaeth Terrence Higgins yn darparu cyngor ar iechyd a rhyw i ddynion sy'n cael rhyw gyda dynion. Defnyddir ‘Cis’ fel ansoddair sy’n golygu ‘ddim yn draws’. Mae pobl Cisryweddol yn uniaethu â’r rhywedd a aseiniwyd iddynt ar adeg eu geni
Mae GIG yn darparu cyngor ar iechyd a rhyw i yn fenywod sy'n cael rhyw gyda menywod. Defnyddir ‘Cis’ fel ansoddair sy’n golygu ‘ddim yn draws’. Mae pobl Cisryweddol yn uniaethu â’r rhywedd a aseiniwyd iddynt ar adeg eu geni
Mae Ymddiriedolaeth Terrence Higgins yn darparu cyngor ar iechyd a rhyw ar gyfer y gymuned draws ac anneuaidd.
Mae Healthline ac InterAct yn darparu cyngor ar gyfer pobl Rhywedd Ehangol a Rhyngryw.
Mae'r gymuned LHDTC+ yn esblygu'n gyson; felly hefyd y dudalen hon. Os hoffech chi awgrymu diweddariad neu os oes gennych chi ymholiad penodol, anfonwch e-bost atom.
Gall Frisky Wales ddarparu dulliau atal cenhedlu, iriad, profion a chyngor am ddim i chi.
Mae gan GIG Lloegr gyfeiriadur defnyddiol i'ch galluogi i ddod o hyd i glinigau iechyd rhywiol yn Lloegr yn hawdd.
Mae Ymddiriedolaeth Terrence Higgins yn elusen Brydeinig sy'n ymgyrchu ac yn darparu gwasanaethau sy'n ymwneud â HIV ac iechyd rhywiol.
Os ydych chi'n HIV negyddol, gallwch amddiffyn eich statws negyddol trwy gymryd PrEP, meddyginiaeth sy'n lleihau'ch risg o ddal HIV.
Mae PEP yn gyfuniad o gyffuriau a all atal HIV rhag gafael ar ôl i chi ddod i gysylltiad â’r haint. Iddo weithio, rhaid cymryd PEP cyn pen 72 awr ar ôl dod i gysylltiad (yn ddelfrydol dylid ei gymryd o fewn 24 awr). Nid yw PEP yn 'bilsen bore drannoeth' ar gyfer HIV, ac nid oes sicrwydd y bydd yn gweithio.
Cennad Stonewall yw sicrhau cydraddoldeb cyfreithiol a chyfiawnder cymdeithasol i bobl lesbiaidd, hoyw, deurywiol a thraws yng Nghymru. Maent yn adnodd gwych ar gyfer cyngor ar ddod allan, dod o hyd i ddigwyddiadau yn eich ardal chi, a gwybodaeth ynghylch amryw o bynciau LHDTC+.
Mae’r Trevor Project yn sefydliad blaenllaw sy'n darparu gwasanaethau ymyriad mewn argyfwng ac atal hunanladdiad ar gyfer pobl ifanc LHDTC+ dan 25 oed.
Mae Ymddiriedolaeth Albert Kennedy AKT yn cynnig cymorth i bobl ifanc LHDTC+ rhwng 16 a 25 oed yn y DU sy'n ddigartref, ar fin bod yn ddigartref neu'n byw mewn amgylchedd gelyniaethus.
Mae’r Prosiect CYSYLLTU yn brosiect llesiant newydd sydd â’r nod o geisio lleihau unigrwydd ac arwahanrwydd ymhlith myfyrwyr. Os ydych chi am gael cwmni ar gyfer mynd i ddigwyddiadau neu ddim ond eisiau wyneb cyfeillgar i siarad â nhw, dyma'ch lle chi.
Mae PCyDDS yn cynnig sesiynau cwnsela am ddim, naill ai ar-lein neu ar y campws.
Mae'r gymuned LHDTC+ yn esblygu'n gyson; felly hefyd y dudalen hon. Os hoffech chi awgrymu diweddariad neu os oes gennych chi ymholiad penodol, anfonwch e-bost atom.
union@uwtsd.ac.ukOs ydych wedi edrych ar yr adnodd uchod ac yn dal i fod angen rhywfaint o gyngor, mae croeso i chi gysylltu â Thîm Cynghori’r Undeb - byddant yn eich cyfeirio i'r lle cywir i gael y cymorth sydd ei angen arnoch.
unionadvice@uwtsd.ac.uk
Mae Michaella yn helpu gyda'n gweithgareddau iechyd a llesiant, ynghyd ag allgymorth.
michella.batten@uwtsd.ac.uk
Mae Rebecca yn goruchwylio ein Rhwydweithiau Rhyddhad, a hi yw eich person y dylech chi fynd ati os oes gennych chi syniad ar gyfer ymgyrch.
rebecca.crane@uwtsd.ac.uk
Undeb Myfyrwyr PCyDDS yw’r elusen sydd yma i helpu myfyrwyr PCyDDS i wneud y gorau o’u hamser yn y brifysgol drwy, gynnig cyngor, cynrychiolaeth, cyfleoedd a digwyddiadau.
Mae Undeb Myfyrwyr PCyDDS yn enw brand sy’n perthyn i Undeb Myfyrwyr y Drindod Dewi Sant • © Undeb Myfyrwyr Drindod Dewi Sant, Cedwir Pob Hawl
Rhif Elusen Gofrestredig yng Nghymru a Lloegr: 1157951
Cwmni Cyfyngedig dan warant: 09103924
Mae Undeb Myfyrwyr PCyDDS yn aelod o Undeb Cenedlaethol y Myfyrwyr (UCM), Elusen UCM a Chymdeithas Chwaraeon Prifysgolion a Cholegau Prydain (BUCS). Dysgwch fwy ar ein tudalen we ymaelodaethau.
